肥姐麻辣餐廳

Open Now

Now Closed

是日係荃灣拜完山，記得同事介紹依間茶餐廳既水煮魚好好味，所以帶了屋企人去食下。我哋一入到去，是典型茶餐廳格局，覺得好地道。我哋叫左一份細的水煮魚、金銀蛋上湯時菜同啤酒。先來前菜一碟，係一碟青瓜，食左第一件，有點麻味的感覺，相當有趣。水煮魚(細)﹕叫菜時要求少少辣及加了10元多了粉皮。上枱時覺得好靚，好大碟，眼見全紅色的，用湯舀起，有好多花椒、辣椒、蔥等等配料，食落口還有豆瓣醬及多種醬料的混合香味。碟內應該有十片八片已切好一片片的魚塊，魚片新鮮嫩口，較多細骨，味道不錯，可能魚片沾上醬料的辣味，食了兩件左右，辣得流著汗，但不停繼續食，辣得興奮。金銀蛋上湯時菜﹕時菜新鮮，與一般時菜沒大分別，只是想中和一下辣味。