鴻星中菜 (Closed)

大閘蟹當做，所以收工就同老婆去左食呢個時令套餐"江蘇大閘蟹"。一開始先上帶子羹，帶子唔大而且只有一人只有2小隻，味道仲偏咸。燒肉尚算皮脆，肴肉香口，但略嫌份量太少！普通之作，味道亦過咸。主角終於黎喇！不過膏少唔新鮮，真係失望，不談也罷。好彩最後都有驚喜之作，臘味飯食落非常甘香，師傅將臘腸切到雞碎咁細粒，灑係飯面，同往常一般切片或者半條上唔同。就係呢個分量，令食得有伕欲罷不能嘅感覺，的確幾正！最後黎到甜品，紅棗糕甜度適中，而且口感煙韌充滿紅棗香，值得一讚。