Video
Read full review
2007-08-24
20 views
又一個下雨的晚上, 走在街上都幾辛苦, 都係走落地底食飯好過. 彩星之旅都七七八八, 是晚就試試沖繩食物.對沖繩的記憶, 除了陳年的戀戰沖繩同其主題曲之外, 當然係近日的意外, 其實都幾化學. 食沖繩菜, 年前吃過沙田那家, 好像水準一般, 光顧的以港人為主. 又或者係地理因素, 這裡就大部份都係日藉人士, 港人就比較小.比起隔離排隊排到人山人海, 這裡係靜靜地. 又比我們二人好好地傾計.沖繩風什菜豬肉飯(沖繩紫菜清湯) $60: 8分, 碗飯感覺上幾健康, 小小豬肉, 加上什菜, 好清, 味不濃, 住家風味. 沖繩紫菜清湯一樣係清淡的選擇, 沒有師傅的痕跡, 湯入面的沖繩豆腐果然好滑, 真係食多兩舊長命點?苦瓜炒豬肉$58: 9分, 另一味很簡單, 但又係很沖繩的菜色, 苦瓜不算苦, 只係有點點甘, 都好易入口, 用苦瓜加上蛋花同豆腐去炒豬肉, 係簡潔而美味.之後文迪都煮了碟苦瓜炒豬肉給小弟吃, 10分之作, 很好吃! 哈哈, 比這裡的更勝一籌.沖繩豬肋骨湯麵$55: 8分, 個湯底比較濃, 係是晚食物中最不清淡的一味, 豬肋骨大大舊, 都幾多肥肉, 不過又做得幾靚, 肉質唔實, 麵
對沖繩的記憶, 除了陳年的戀戰沖繩同其主題曲之外, 當然係近日的意外, 其實都幾化學. 食沖繩菜, 年前吃過沙田那家, 好像水準一般, 光顧的以港人為主. 又或者係地理因素, 這裡就大部份都係日藉人士, 港人就比較小.
比起隔離排隊排到人山人海, 這裡係靜靜地. 又比我們二人好好地傾計.
沖繩風什菜豬肉飯(沖繩紫菜清湯) $60: 8分, 碗飯感覺上幾健康, 小小豬肉, 加上什菜, 好清, 味不濃, 住家風味. 沖繩紫菜清湯一樣係清淡的選擇, 沒有師傅的痕跡, 湯入面的沖繩豆腐果然好滑, 真係食多兩舊長命點?
苦瓜炒豬肉$58: 9分, 另一味很簡單, 但又係很沖繩的菜色, 苦瓜不算苦, 只係有點點甘, 都好易入口, 用苦瓜加上蛋花同豆腐去炒豬肉, 係簡潔而美味.
之後文迪都煮了碟苦瓜炒豬肉給小弟吃, 10分之作, 很好吃! 哈哈, 比這裡的更勝一籌.
沖繩豬肋骨湯麵$55: 8分, 個湯底比較濃, 係是晚食物中最不清淡的一味, 豬肋骨大大舊, 都幾多肥肉, 不過又做得幾靚, 肉質唔實, 麵都彈牙.
鹽味雪糕$30: 8分, 再試試奇怪雪糕, 文迪吃了很久也不知道係乜雪糕, 看來這鹽味真有點古怪. 食落口有點點鹹味, 但跟著又會有小小甜味, 其實都幾特別.
當然, 係池袋, 更加奇怪的雪糕也有.
埋單先知餐前小食係三十元一客, 仲係一人一客. 單計小食已收我們六十大洋. 好像沒有太多日店有餐前小吃要收錢的做法.
除此之外, 這裡無論食物, 環境都係水準之上, 服務就一般, 整體來講都係可以一試的.
Post
