金沙角美食小厨

Open Now

Now Closed

好耐無食大排檔啦，以前耐唔耐家庭聚餐都會去食。沙田博康邨竟然有間「金沙角美食小廚」，晚上個招牌閃爍🪩幾吸睛。入面都好多位，而且圓枱傾計好方便。當晚有幾枱攪生日，好熱鬧。大排檔最好就係同朋友啤啤佢，餐廳售賣多款啤酒🍻。芝士焗桶蠔（烏冬底）即叫即焗，超級熱烘烘。勁大pat芝士🧀️好香濃，趁熱食可以拉絲；而且桶蠔大大隻好肥美，配埋烏冬食一流。蕃茄豆腐魚雲湯大大碗夠4人飲。蕃茄味好夠味，酸酸地好開胃，配滑滑豆腐，秋/冬天最岩飲湯潤喉同暖胃。而魚雲有豐富骨膠原，同埋滑到入口即溶既魚肉。花膠什菜煲配料真係有花膠絲，炆到好冧身；有好多粉絲配上湯好好味😋有幾款菜食好健康，d菜幾靚，食到甜味。金沙爆田雞用咸蛋黃醬爆香，鹹香好惹味。最愛食田雞脾，d肉好滑。