Video
Read full review
2018-02-11
537 views
最近同朋友係沙田行完山，突然醒起有間叫陳根記嘅大排擋，因為早前係FB見到有報導話可能就快要結業，所以即刻決定去支持下第一次去到見到有好多人等緊位，尤其當日係星期六晚，十分熱鬧，我同朋友周圍問人先知道係自己搵位搭枱坐，好彩我地得兩個人，好快就搵到位我地想叫網上話最出名嘅wasabi 手撕雞，可惜一坐低已經聽到話賣晒，唯有試下其他菜式啦，我地點左椒鹽瀨尿蝦同沙爹牛肉粉絲煲，我諗太多人幫襯嘅關係，等左一段時間先有嘢食椒鹽瀨尿蝦炸得好脆口，份量都足夠兩人食，不過略嫌唔夠熱，同椒鹽味不足另外嘅沙爹牛肉粉絲煲就十分惹味，份量好多，有大塊牛肉、青紅椒、洋蔥等配料，可以送好大碗飯，值得一讚到最後我地想試甜品，原來要去另一個位排隊，當日我足足排左半個鐘先輪到我，可惜大部分甜品已經賣晒，芒果一口脆、芒果河粉等等已經冇晒，令我好失望，我唯有點左個焦糖燉蛋，質地好滑，但細細個嘅份量已經要$36，覺得有點貴大家下次如果想試招牌菜，真係要好早嚟食，今次就當感受一下大排擋風味，希望陳根記可以繼續營業啦，因為好有香港特色
第一次去到見到有好多人等緊位，尤其當日係星期六晚，十分熱鬧，我同朋友周圍問人先知道係自己搵位搭枱坐，好彩我地得兩個人，好快就搵到位
我地想叫網上話最出名嘅wasabi 手撕雞，可惜一坐低已經聽到話賣晒，唯有試下其他菜式啦，我地點左椒鹽瀨尿蝦同沙爹牛肉粉絲煲，我諗太多人幫襯嘅關係，等左一段時間先有嘢食
椒鹽瀨尿蝦炸得好脆口，份量都足夠兩人食，不過略嫌唔夠熱，同椒鹽味不足
另外嘅沙爹牛肉粉絲煲就十分惹味，份量好多，有大塊牛肉、青紅椒、洋蔥等配料，可以送好大碗飯，值得一讚
到最後我地想試甜品，原來要去另一個位排隊，當日我足足排左半個鐘先輪到我，可惜大部分甜品已經賣晒，芒果一口脆、芒果河粉等等已經冇晒，令我好失望，我唯有點左個焦糖燉蛋，質地好滑，但細細個嘅份量已經要$36，覺得有點貴
大家下次如果想試招牌菜，真係要好早嚟食，今次就當感受一下大排擋風味，希望陳根記可以繼續營業啦，因為好有香港特色
椒鹽瀨尿蝦
48 views
0 likes
0 comments
沙爹牛肉粉絲煲
42 views
0 likes
0 comments
焦糖燉蛋
$36
30 views
0 likes
0 comments
Post
