四面泰泰式火鍋

Open Now

Now Closed

朋友上次食完呢間泰式火鍋話好正，想搵日帶埋我一齊去，難得今日放假大家約埋去食，餐廳環境好靚地方好大，座位好闊落坐得舒服。美國雪花牛小排牛肉好新鮮色澤均勻，油脂分佈得好平均，肉質一啲都唔韌好濃郁嘅牛味，而且牛肉好大塊食到好滿足。椰奶雞湯鍋+慢燉牛板腱青湯鍋（雙拼）椰奶雞湯鍋一定要試個湯底勁好飲，奶白色嘅湯底好重椰奶味，湯入面仲有雞肉、菇、椰子肉成個湯好鮮甜，我未放火鍋配料之前已經飲咗兩碗😂。而慢燉牛板腱青湯鍋好濃郁嘅牛味，湯底入面仲有牛板腱，個湯越煲得耐越濃味。清邁什锦田園另外再嗌咗個什菜，蔬菜好新鮮，種類都好多有3種菇類、蕃茄、粟米、3款菜，可以試勻晒咁多款。蜂巢豆腐打邊爐點少得食蜂巢豆腐，豆腐有蜂巢嘅形狀，吸晒湯底嘅精華每咬一啖，係口入面爆晒啲湯汁好好食。潮汕牛肉丸好濃郁嘅牛味，牛丸爽口彈牙一咬開好多牛肉汁流出嚟。招牌椰皇凍呢個椰皇凍係我打邊爐途中已經忍唔住食咗🤣，入口好絲滑，濃濃嘅椰奶味，而且份量十足好大個，餐廳每日新鮮製造保持到佢嘅水準。