正潮樓

Open Now

Now Closed

呢度可以話係我嘅打冷食堂，同潮州人黎都讚不絕口，難怪今次平日嚟到都滿座，book左都要等等。滷水鵝片一如以往，好入味軟腍，因為部位唔同今次較紮實，但都好滑。 底下仲墊咗一大塊入味嘅滷水豆腐，如果可以配埋潮式辣椒油就完美喇。油泡南澳鮮魷一直覺得偏貴但好想試，果然無揀錯。 鮮魷非常新鮮厚肉，油泡做法煮得啱啱好僅僅熟，魷魚唔係得個軟字而真係爽彈，加埋蔥同彩椒粒一齊炒好香。沙茶牛肉炒粿條係我每次嚟都必點，沙茶醬調校得非常好，本來係重口味嘅嘢一啲都唔膩。 牛肉嫩滑、芥蘭爽甜，但神奇嘅係食肉獸如我每次都會狂夾炒粿條，炒得香口有鑊氣得黎，仲沾滿左蛋香，我諗男女老少嚟到都會爭住食。