Video
Read full review
2025-03-03
51 views
油麻地呢間泰國菜而家做緊$1菜式優惠，咁抵就嚟咗食個豐富午餐🍴 Lunch時段，餐廳都好多人幫襯啊🤗海鮮花甲乳豬煲喺門口見到佢個鍋物Menu好似好吸引，有多款配料包括自家製乳豬、花甲、青口、大頭蝦、魷魚、娃娃菜、韭菜同埋芽菜🍲 湯底方面可以揀冬陰功或者係椰汁，我哋就揀咗冬陰功，呢隻冬陰功唔算非常酸辣嗰種，所以配海鮮比較夾🦐 另外呢個煲仲可以揀一款主食，我哋就揀咗公仔麵，不過要注意煮公仔麵嘅時間，太耐就會變得太腍㗎啦🍜火山骨勁鍾意佢個火山骨，其實係豬脊骨，餐廳煲得好腍，輕鬆就可以將啲肉拆出嚟🤩 而且佢嘅味道特別迎合大多數香港人嘅口味，冇泰式原味咁辣🌶️ 唔會去到後尾辣到食唔到㗎。馬拉盞通菜呢個係限時優惠，呢日星期六加$1就食到啦🥬 馬拉盞通菜個味道唔會好鹹，加埋少量嘅辣椒食落口好惹味呀。唔好睇佢做優惠份量就好少，都夠我哋分享，而且唔會唔夠喉😙黃金蝦餅一份有四件，都幾大件，外層炸得香脆，入面嘅蝦膠口感實淨，有咬口，配埋泰式醬超級夾🍤飲品♦️翠綠湖見到佢個名好靚，入面嘅材料有班蘭、椰奶同埋鮮奶，飲品好香椰奶嘅味道🥥♦️香茅班蘭茶呢個係用茶壺上嘅茶，浸一陣就飲得🍵 有淡淡嘅香茅同埋班蘭味道，幾有泰式
油麻地呢間泰國菜而家做緊$1菜式優惠，咁抵就嚟咗食個豐富午餐🍴 Lunch時段，餐廳都好多人幫襯啊🤗
海鮮花甲乳豬煲
喺門口見到佢個鍋物Menu好似好吸引，有多款配料包括自家製乳豬、花甲、青口、大頭蝦、魷魚、娃娃菜、韭菜同埋芽菜🍲 湯底方面可以揀冬陰功或者係椰汁，我哋就揀咗冬陰功，呢隻冬陰功唔算非常酸辣嗰種，所以配海鮮比較夾🦐 另外呢個煲仲可以揀一款主食，我哋就揀咗公仔麵，不過要注意煮公仔麵嘅時間，太耐就會變得太腍㗎啦🍜
火山骨
勁鍾意佢個火山骨，其實係豬脊骨，餐廳煲得好腍，輕鬆就可以將啲肉拆出嚟🤩 而且佢嘅味道特別迎合大多數香港人嘅口味，冇泰式原味咁辣🌶️ 唔會去到後尾辣到食唔到㗎。
馬拉盞通菜
呢個係限時優惠，呢日星期六加$1就食到啦🥬 馬拉盞通菜個味道唔會好鹹，加埋少量嘅辣椒食落口好惹味呀。唔好睇佢做優惠份量就好少，都夠我哋分享，而且唔會唔夠喉😙
黃金蝦餅
一份有四件，都幾大件，外層炸得香脆，入面嘅蝦膠口感實淨，有咬口，配埋泰式醬超級夾🍤
飲品
♦️翠綠湖
見到佢個名好靚，入面嘅材料有班蘭、椰奶同埋鮮奶，飲品好香椰奶嘅味道🥥
♦️香茅班蘭茶
呢個係用茶壺上嘅茶，浸一陣就飲得🍵 有淡淡嘅香茅同埋班蘭味道，幾有泰式風情。
3月17號前，凡惠顧$500就可以用一蚊嘅優惠價加配指定菜式，每日嘅優惠都唔同㗎，等我下次星期二嚟食先，一蚊優惠係我鍾意嘅火山骨呀🌋 仲有見到隔離檯叫咗個404黑色西蘭花，望落幾特別，下次嚟要試吓🥦
Post
