Parallel

Open Now

Now Closed

Parallel意大利煙腩肉本菇意大利飯煙腩肉本菇意大利飯色香味俱全，煙腩肉味道濃郁，帶出歐陸風味，本菇彈牙爽口。米飯煮得濕潤卻粒粒分明，吸收咗肉汁嘅精華，同時有忌廉嘅滑溜感覺，充滿層次感。意大利飯上以鮮花仔細點綴，十分優雅。墨西哥雞肉卷墨西哥雞肉卷外皮煙銀帶微微酥脆，內餡豐富，雞肉鮮嫩多汁，加入辣椒等香料後，令整體風味更加立體。搭配新鮮生菜同三色椒，增添一份清爽感。醬汁包括牛油果醬，鮮蕃茄莎莎醬，酸奶油等，酸甜平衡得宜，令人一口接一口，十分回味。西蘭花忌廉湯今晚嘅餐湯係西蘭花忌廉湯，口感濃郁滑順，西蘭花新鮮香氣幽幽散發，忌廉湯醇厚交融，連忌廉湯都拉花，令人愉悅。Parallel 晚餐係半自助餐形式嘅，餐廳面積唔算大，但自助bar枱選擇豐富。有海鮮類如熟蝦，螺頭，青口。各種芝士，包括意式水牛芝士車厘茄。各種沙律包括泰式牛肉沙律，蛋黃醬薯仔沙律，健康嘅紅菜頭，配搭各種沙律醬等等。令人感受到各國美食嘅魅力，非常滿足。