Video
Read full review
2015-10-31
294 views
一向鍾情於法國同埋鍾意食意大利野既我，知道最近銅鑼灣開左間新既意法私房菜，又剛好係特別日子要慶祝，就打算同朋友星期五放工後一齊黎試下啦，因為怕新餐廳多人試要等位，所以都早左兩日打黎訂檯。餐廳位於霎西街，係鵝頸橋對出黎間小型超級市場既對面，地鐵站行過去都係5分鐘左右。餐廳燈光比較暗，但係有用蠟燭照明，令到氣氛都幾浪漫，幾適合男女約會。晚餐有得揀A la carte 或者Set dinner，有選擇困難症既我地都係揀左set dinner，但係係落order既時候職員向我地介紹呢到既生蠔，聽落好吸引咁，所以每人都叫左2隻黎試下。生蠔左) Gillardeau $78 ，(右) American Pearl $68American Pearl 蠔味重，帶有海水味，豐盈度，脆口度，甜度平均，金屬味較淡的品種，非常creamy，入口即溶。Gillardeau 體型相對厚身，海水味較少，金屬味較輕，口感更爽更富質感。Set dinner 有5道菜，中間再加多個雪芭俾客人清一清口味，食物相當豐富:頭盤:煙水牛芝士伴蕃茄凍: 係用蕃茄整成類似果凍既東西上面鋪上水牛芝士，上面再灑上切左粒既蔬菜，口感清新
餐廳位於霎西街，係鵝頸橋對出黎間小型超級市場既對面，地鐵站行過去都係5分鐘左右。
餐廳燈光比較暗，但係有用蠟燭照明，令到氣氛都幾浪漫，幾適合男女約會。
晚餐有得揀A la carte 或者Set dinner，有選擇困難症既我地都係揀左set dinner，但係係落order既時候職員向我地介紹呢到既生蠔，聽落好吸引咁，所以每人都叫左2隻黎試下。
生蠔:(左) Gillardeau $78 ，(右) American Pearl $68American Pearl 蠔味重，帶有海水味，豐盈度，脆口度，甜度平均，金屬味較淡的品種，非常creamy，入口即溶。
Gillardeau 體型相對厚身，海水味較少，金屬味較輕，口感更爽更富質感。
Set dinner 有5道菜，中間再加多個雪芭俾客人清一清口味，食物相當豐富:
頭盤:
煙水牛芝士伴蕃茄凍: 係用蕃茄整成類似果凍既東西上面鋪上水牛芝士，上面再灑上切左粒既蔬菜，口感清新而唔油膩， 水牛芝士質感煙韌又散出幽幽既芝士淡香，蕃茄凍呢個做法亦都相當新穎同有創意。
吞拿魚牛油果他他: 係打碎左既牛油果上面放上入口啖啖魚肉既吞拿魚，味道相當清新。湯:
龍蝦濃湯: 本人最喜歡既係個湯面頭既CREAM，顏色既對比令到呢個湯賣相一流，雖然味道濃郁同埋稠杰適中，但係味道有點兒過鹹，淡少少會更加好。
鮮蟹肉白菌忌廉湯: 有別於一般西餐廳飲到既忌廉蘑菇湯既係，呢到既湯除左有打碎左既蘑菇之外仲有加埋鮮蟹肉，令到其口感大增同鮮味指數高。餐包:
跟湯既麵包好鬆軟，共有2款，一款係有香草既，而另外一款係無既，不過提供既份量比較多，如果食晒既話就食唔到跟住落黎既美食架啦。小菜:
香煎法國鵝肝伴焦糖蘋果: 鵝肝雖然唔係厚身，但係表面煎得香脆，入口外脆內嫩滑，而且唔油膩，配上甜甜既焦糖蘋果粒同埋餅乾，非常開胃，仲有份清新既甜味。
白酒煮藍青口: 藍青口天然咸香，肉質好滑嫩，白酒香味比較淡，味道非常好，好適合唔多好酒既我，連埋配菜既蕃茄粒同味道真係令人回味無窮。
紅桑子雪芭: 味道酸酸地咁，又可以清一清個口，咁就可以食真D 接落黎MAIN COURSE 既味道。主菜:
西西里焗鱈魚配蕃茄清湯: 焗鱈魚既魚皮好脆，魚肉食起來又唔會鹹，配埋蕃茄清湯既香味，食起來都唔會好好肥膩。
香煎虎蝦伴辣肉腸扁意份配蕃茄醬: 虎蝦大隻得黎又夠彈牙，辣肉腸切碎左，但係口感都幾既趙口，蕃茄醬夠濃夠酸，整體感覺非常入味。
甜品:
法式香橙焦糖燉蛋: 法式焦糖燉蛋就食過好多次啦，但係香橙味既呢就真係第一次食。呢個焦糖燉蛋應該加入左少少橙皮，再係燉蛋上放上少少柑桔醬，味道有別於一般食到既焦糖燉蛋。不過可能橙皮落得過多，味道有微微既苦味，建議落返少D會更能帶出應有既橙味。
埋單一個人都要成九百幾蚊，不過見係特別日子，貴少少食好D，都係值得既。Post
