珍香園 (Closed)

豆腐花賣相完美，像是一個球形一樣，有點像原球的水牛芝士，滑一滑，唔會有石膏味又唔會太水，有彈性。呢度仲有特別嘅豆花款，參考星加坡做法嘅星洲豆花，豆花加甜豆漿，唔使再加糖，老闆強烈推介，但今次食得太飽唯有下次再試。滷水豆腐大大件，吸哂汁，滷水偏向白滷水，看上去透明淺啡黃像油的顏色，比較少見，一口咬落去爆哂汁，記得要食得小心啲，唔係一身都係。另外叫咗啲煎釀三寶，蘿蔔絲餅，蔥油餅，三寶中還是招牌貨豆腐最突出，外脆內滑有豆香，魚肉份量唔多但新鮮彈牙。蘿蔔絲餅有大量蘿蔔粗絲，無咩溝粉，用料實在。