馮濤泰菜

Open Now

Now Closed

朋友介紹去左間新開泰國菜餐廳，老闆係泰國人，亦是大廚，真係正宗泰國菜。餐廳裝修都幾靚，黑色配搭金色邊枱，感覺高檔時尚。泰式冬陰功：配料多，有大蝦，每口都食到菇同蕃茄仔，湯味道酸酸，加左鮮窄青檸汁，同出面飲開果D唔同，好開胃。泰式素春卷：剛炸起，外皮好脆，裡面有紅蘿蔔絲、芋頭同木耳等配料，口感豐富，好味。泰式蠔仔煎蛋：蠔仔大隻，中間有芽菜，口感濕潤juicy，完全唔覺得熱氣，配埋旁邊泰式甜醬，好好食，值得推介。泰式蝦油蝦炒飯：蝦油用蝦頭製成，炒飯真係比平日食開嘅香，帶鮮味。裡面有提子乾、粟米粒、青豆同洋蔥等配料，飯炒得乾身唔太油，味道甜甜地，幾有層次感，唔錯。洛神花茶：自家製，酸酸地，老公幾鐘意。香茅茶：同樣自家製，除左香茅，仲有斑蘭葉嘅味道，好香，味道甜甜地，幾好飲。