水門雞飯 (豉油街)

Open Now

Now Closed

如果諗起食海南雞，大家會諗到去邊？香港有唔少分店嘅水門雞飯一定係我嘅首選。適逢星期五放工，門口企滿了等位嘅客人，我哋等咗大約10分鐘就有位。餐廳定價十分親民，我哋兩個人叫咗半隻海南雞，香葉肉碎太陽蛋飯，泰式炒冬菜另外仲叫咗兩杯飲品，包括泰式檸檬茶及梳打水。海南雞全隻都起咗骨，仲包括咗雞雜有雞腎雞腸等等配上餐廳，自家製醬汁非常開胃。香葉肉碎煎蛋飯熱非常有鑊氣配上燶邊太陽蛋，將蛋黃及雞油飯攪拌非常惹味。泰式炒通菜仲可以揀少鹽少油，好少餐廳可以俾客人咁樣選擇，非常有鑊氣，而且健康。本身諗住叫杯凍檸茶解渴，原來餐廳係用上泰式茶葉，有別於港式檸檬茶。最後埋單只需要$250喺香港嚟講價格非常親民，以後都唔使飛去泰國已經可以食到正宗海南雞。