Nara Thai Cuisine (新城市廣場一期)

Open Now

Now Closed

Nara Thai 一直係精緻泰菜信心保證，今次去左沙田分店， 有別於尖沙咀分店，呢到裝修比較華麗風。🥢扎肉米紙卷 $88餐廳好窩心，餐廳又寫住如果有特別需要可以同店員講，由於我哋兩個都唔食芫荽，職員話可以幫我哋走芫荽。有別於其他餐廳，扎肉唔係一絲絲嘅，係一大條嘅，比較有口感。配有一個酸辣汁，點左惹味好多🍲泰式椰子雞湯 $118奶白色嘅椰子雞湯好creamy,比較重cream味。雞件好嫩滑，草菇同雞都吸晒椰汁湯嘅香味。🥭芒果糯米飯伴椰奶 $88芒果糯米飯好有驚喜，微暖嘅糯米飯好軟糯，椰漿汁好濃郁，芒果鮮甜。記得趁熱食🍡泰式糕點拼盤 $88有三種糕每樣3件，有椰汁大菜糕、椰汁西米糕同千層糕。 千層糕比較特別，上面淋左椰漿同有粒粒花生，千層糕超級煙韌彈牙。 椰汁大菜糕入面有一絲絲椰子肉，大菜糕爽口清甜。🧉椰青 $48食泰國野梗係要飲椰青，椰青椰肉嫩，椰水多。