Nara Thai Cuisine (新城市廣場一期)

Open Now

Now Closed

之前已經聽過Nara Thai呢間泰國餐廳，一直都未去。今日難得係新城市，就決定walk in試下。Early lunch時段，已經接近九成滿座，果然並非浪得虛名！餐廳環境舒適，裝修幾靚。太耐冇去泰國，好掛住佢嘅冬陰功湯，呢個清冬陰功菜湯唔算非常辣，適合香港人口味！椰子雞湯都好足料，有雞件同埋草菇、大蔥等等！今次叫咗泰式牛肉船麵，牛肉湯非常濃郁，面底配有金邊粉，配料係生牛肉片、牛腱及牛丸～生牛肉片入口好嫩滑，薄切嘅牛肉片加埋牛肉濃湯層次好豐富，牛腱炆得軟腍，近乎唔使咬🤣牛丸咬落爽口，牛味極為香濃，吸收埋牛肉湯嘅濃汁咬落去有啲似爆漿瀨尿牛丸🤭泰式河粉非常寬，材料有炒蛋、菜心以及豬肉片，旁邊另有青檸、白砂糖同埋七味粉俾顧客撈～七味粉實在太適合唔辣不歡嘅我❤️下次會想試埋佢哋嘅泰式船麵自選配搭，仲可以揀海鮮冬陰功湯底添🤭下次反而想試吓配河粉&炸豬皮！芒果糯米飯伴椰奶上碟時糯米飯仲係熱辣辣，加上雪凍咗嘅香甜芒果肉！好正！