No Money So Lonely

Open Now

Now Closed

一向對Mamaday有信心，其姊妹店也沒有令人失望，餐廳地方大，分了好多區份，環境佈置花了心思，食物好多fusion菜式，可以食到不一樣的泰式風味。而今次安排了卡座可以自成一國，享受二人世界浪漫一番了。食物美味價錢合理，不失為旺區拖友的小天地。冬陰公大蝦比薩 $142青咖哩同冬陰公pizza都好想試，最後交由店幫我決定點冬陰公口味。批底夠脆薄，好似食緊脆片甘好鬼正，面層有邪惡的拉絲芝士，淋了冬陰公醬汁辣辣地咸咸地賦予其靈魂，大蝦已去殼夠貼心，蝦肉彈牙啖啖肉，好正呀～貧窮是最寂寞併盤（半） $78併盤分全份或半份，人少少揀左半份，可以自選士多啤梨玄米奶昔 $58賣相俾10分好有藝術色彩，粉紅色上再有一層綠色，杯邊仲見到士多啤梨片，好靚好用心製作。飲落乳酸味道，軟滑口感，士多啤梨味道香濃，回味時會有浮現玄米茶味道，好特別的配搭，真係值得一試。