SIAM AI Fresco Dining (Closed)

訂枱可以打電話或者send whatsapp，可能係聖誕檔期繁忙既關係，電話打左好多次都冇人聽，send whatsapp回覆話成個12月都full booking。但由於成班feiend都想試，所以再打去，幾經辛苦先等到有人聽，仲話有位添，咁我就唔追問佢點解whatsapp話冇位啦～火鍋料一般既都有齊，係冇餃類，海鮮就得蜆，肉類就得牛同豬。我地對豬同牛都好失望，豬肉太肥牛肉太瘦兩種肉都唔好食。湯底方面就有椰子湯同冬蔭公湯，可能我地成班人都鍾意辣，就嫌本身個湯唔夠濃，於是係自助區拎幾碗冬蔭公湯倒落個鍋到，係濃味過本身既湯底嫁！食食下我地直頭用冬蔭公湯代替豉油，仲爽皮！驚喜既反而係熟食區，炸雞翼熱辣辣超好食，仲有馬拉盞炒通菜、無骨鳳爪、蝦餅等泰式小食。甜品除左必食既芒果糯米飯、仲有椰汁西米糕、芒果mousse cake、椰汁糕等，都算幾多選擇。野飲有啤酒汽水任飲，但我地個晚就得啤油雪碧，同埋熱芒果薑茶，都值得一試既。