SIAM AI Fresco Dining (Closed)

友人Mr.C外遊回港,抬他幫我係日本買咗d嘢,所以約食飯順便交收, 佢係maga box附近返工,咁岩我係九龍灣教完學生,所以就約係九龍灣食飯.佢話食過呢間嘅午餐都唔錯,見晚餐係泰式火鍋放題,仲有每位減＄100優惠, 咁就不妨一試啦! 坐低先揀湯底,有冬陰公同椰汁雞湯,冬陰公自己係屋企到住煮到,所以一於試吓椰汁雞湯打邊爐!然後店員話每人送一隻牡丹蝦同埋帶子(係打邊爐用的).牡丹蝦都幾大隻! 鋪頭中間有張張枱,係有沙律同小量熟食既buffet,有薯仔蛋沙律啦,有泰式粉絲沙律啦,仲有扎肉沙律;熱食方面有沙嗲串燒,咖喱角同埋蝦餅,仲有d green salad.仲有打邊爐必備既'混醬區' 幾款沙律都好味,沙嗲串燒係豬肉串燒,唔太夠熱,但味道都幾好.咖喱角同蝦餅就一般貨色啦. 火鍋料方面,我地叫左炸魚片,響鈴卷,金菇,同豚肉片(打邊爐唔食牛肉？因為有人要戒口唔食得牛啊) 先試一啖椰汁雞湯底,的確就係泰國菜館嘅就雞湯,好味!店員提示可先飲椰汁雞湯,然後先再加湯打邊爐! 食物好快就送上,先試咗個響鈴卷,響鈴卷配椰汁雞湯個味好搞笑!但又真係都幾夾既! 炸魚片同金菇只係普通貨色,反而豚肉片就幾出色啦！