Video
Read full review
2020-02-28
177 views
餐牌有好多款食物同飲品可以揀，花多眼亂，最後揀左二人餐(C)，另外散叫左碟辣椒膏炒大蜆。炸蝦餅有六件，大大件，剛剛炸起十分熱，要放涼一陣先放得入口，外香脆內彈牙，泰式辣醬酸酸地正好減少油膩。冬蔭功湯落足料夠正宗，濃郁酸辣味直擊味蕾，蝦有三隻，都算大隻，肉結實，唔霉。滷豬髀雖然唔大碟，但其實堆到滿，足料。滷水帶微甜唔會大鹹，好味，豬髀肉炆得夠腍夠入味，豬皮乾淨無毛，好滑，索晒d汁。伴碟ge酸菜同蛋都不錯，無論係泰國定德國，豬手要配酸菜先更好食。辣椒膏炒大蜆都幾大碟，真材實料有蜆肉，唔會得個殼，蜆肉無沙，加上辣椒膏非常刺激惹味。青咖喱好香濃，雖然油飯本身都有味，但撈埋青咖喱更好味，可惜牛肉韌左d，配雞可能較好。飛天通菜夠鑊氣，通菜新鮮爽脆。鹹檸醃得夠味，撞落七喜爽到飛起。
餐牌有好多款食物同飲品可以揀，花多眼亂，最後揀左二人餐(C)，另外散叫左碟辣椒膏炒大蜆。
炸蝦餅有六件，大大件，剛剛炸起十分熱，要放涼一陣先放得入口，外香脆內彈牙，泰式辣醬酸酸地正好減少油膩。
冬蔭功湯落足料夠正宗，濃郁酸辣味直擊味蕾，蝦有三隻，都算大隻，肉結實，唔霉。
滷豬髀雖然唔大碟，但其實堆到滿，足料。滷水帶微甜唔會大鹹，好味，豬髀肉炆得夠腍夠入味，豬皮乾淨無毛，好滑，索晒d汁。伴碟ge酸菜同蛋都不錯，無論係泰國定德國，豬手要配酸菜先更好食。
辣椒膏炒大蜆都幾大碟，真材實料有蜆肉，唔會得個殼，蜆肉無沙，加上辣椒膏非常刺激惹味。
青咖喱好香濃，雖然油飯本身都有味，但撈埋青咖喱更好味，可惜牛肉韌左d，配雞可能較好。
飛天通菜夠鑊氣，通菜新鮮爽脆。
鹹檸醃得夠味，撞落七喜爽到飛起。
Post
