Video
Read full review
2023-10-26
47 views
今日行開旺角想食泰國菜，搵咗呢間門口長期好多人排隊嘅水門雞飯，週末夜晚排咗10分鐘左右就有得入。餐廳入面嘅裝修充滿泰國特色，好地道，感覺好似係泰國食緊小店咁。我哋嗌咗招牌水門雞飯同泰式辣雞絲加生牛肉配湯金邊粉。水門雞飯配秘制醬汁同清湯，雞胸肉口感嫩滑，脂肪唔多，雞肉本身比較淡口，點埋個秘制甜酸汁一齊食先夠惹味，油飯嘅油唔算好多，食落已經夠香，份量亦都好足夠，配埋嘅冬瓜胡椒湯個胡椒味好濃，啱哂重口味嘅朋友！另外個泰式辣雞絲配湯粉麵，我揀咗金邊粉同加生牛肉，雞絲都係偏滑身，而生牛肉口感都唔錯，幾有肉味，不過個泰式湯底就幾辣，見到幾粒辣椒開頭無為意，點知一飲啖湯就辣親，但之後適應咗個辣度都接受到，湯底仲有好多細細粒嘅炸豬皮，真係好有泰國風味。📍旺角豉油街21C號地舖位置就腳：🍊🍊🍊🍊🍊餐廳環境：🍊🍊🍊食物味道：🍊🍊🍊🍊整體CP值：🍊🍊🍊🍊🍊
我哋嗌咗招牌水門雞飯同泰式辣雞絲加生牛肉配湯金邊粉。水門雞飯配秘制醬汁同清湯，雞胸肉口感嫩滑，脂肪唔多，雞肉本身比較淡口，點埋個秘制甜酸汁一齊食先夠惹味，油飯嘅油唔算好多，食落已經夠香，份量亦都好足夠，配埋嘅冬瓜胡椒湯個胡椒味好濃，啱哂重口味嘅朋友！
另外個泰式辣雞絲配湯粉麵，我揀咗金邊粉同加生牛肉，雞絲都係偏滑身，而生牛肉口感都唔錯，幾有肉味，不過個泰式湯底就幾辣，見到幾粒辣椒開頭無為意，點知一飲啖湯就辣親，但之後適應咗個辣度都接受到，湯底仲有好多細細粒嘅炸豬皮，真係好有泰國風味。
📍旺角豉油街21C號地舖
位置就腳：🍊🍊🍊🍊🍊
餐廳環境：🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
招牌水門雞飯
$54
5 views
0 likes
0 comments
泰式辣雞絲加生牛肉配湯金邊粉
$57
3 views
0 likes
0 comments
Post
