SIAM AI Fresco Dining (Closed)

最近天氣凍左，所以頻頻約朋友去打邊爐。朋友見到呢間用泰式湯底打邊爐好似幾特別所以決定試下。首先佢環境唔錯，因為唔係好多人打所以唔會好污煙漳氣。至於食物方面，佢地送左一碟泰式生蝦，蝦都算新鮮幾爽口彈牙。我地湯底叫左冬陰公，味道偏鹹，尤其打到後尾真係好鹹跟著每枱一碟生牛肉同生豬肉，每人只可以食到各一片，份量都幾少，味道就普通。至於任食方面就有salad bar：泰式雞爪、扎肉、生果沙律、蝦碌、炸雞等...味道都唔錯。邊爐bar 就有墨丸、貢丸、龍蝦丸、芝士腸、午餐肉、菜、響鈴、烏冬、出前一丁等...甜品就有椰汁糕、芒果糯米飯、芒果蛋糕等...個人覺得芒果糯米飯最好味總括黎講，打邊爐食物種類少但環境靜靜地可以同朋友傾到計，服務員的態度尚算可以。