Tamarind

Open Now

Now Closed

最近唔少餐廳好似都係走大排檔裝潢風，今次同朋友試左間泰式風味，位置喺旺角通菜街，夠晒就腳。泰式虎蝦金邊粉食泰國嘢試一試個金邊粉就知道佢係咩水準。呢度金邊粉個甜酸味剛好，粉唔糊，炒得夠煙靭，確實唔錯。泰式牛肉炒河粉平時就食得多乾炒牛河，泰式炒牛河都係第一次食。感覺幾新鮮，而且個河粉都係炒得好好，唔會好似港式炒河咁成日炒到碎濕濕。沙嗲雞串燒雞肉大大嚿，香口得來內裏夠滑多汁，正！泰式炒芥蘭正常發揮炒芥蘭，夠爽口，好食由於我同朋友都係食肉獸，所以另外仲嗌多咗個豬頸肉同埋鹽燒魚。豬頸肉夠薄夠香口，燒魚大大條夠晒肉食。食到最後真係捧住個肚走。總括嚟講，室內乾淨企理，位置闊落，一班朋友聚會，想要體驗泰式大排檔，又想坐得舒服嘅話呢度係一個唔錯嘅選擇。