泰式東王

Open Now

Now Closed

一個月都會黎九龍城幾次，我班飯腳又想食泰國菜～本來我想搵我食開個間，點知行左幾條街都搵唔到。有朋友唔想再行去搵，行過聞都D串燒幾香～就gogogo啦！唔好講咁多！即黎兩碟生蝦！十分爽甜！而辣汁就比較易入口，想刺激D就加埋生蒜啦～青木瓜沙律～又辣又惹味～ 我就好喜歡佢地伴碟既花生碎，十分香脆～冬陰公湯 材料有大蝦同菇類，用料十足。辣度可接受，偏咸。飛天通菜 微微辣，好惹味！串燒 ： 牛、豬、雞，沙嗲汁淋左係面！而沙嗲汁就偏甜同香濃！炒金邊粉 記得要撈勻全部先食，因為芽菜係生既，需要用金邊粉既餘溫整熟，否則就好難入口啦～咖哩青口配薄餅黃咖喱有淡淡椰香，金黃色既薄餅新鮮出爐香脆可口，兩者口味上的配合簡直天衣無縫！青口都好新鮮！鹽燒烏頭 即叫即燒，肉質結實，十分新鮮！芒果糯米飯 糯米飯熱辣辣，配以香濃椰汁～正呀！