津津食家

Open Now

Now Closed

大排檔係香港人嘅集體回憶之一，而且細細個成日都話入沙田食雞粥，已經成為香港人嘅口頭禪！今次一大班人約咗去呢間大排檔聚會，當然第一件事係叫呢度嘅馳名雞🐔粥，入口有米香又軟綿綿，而且用新鮮雞，好快成窩已經清左！第二樣叫嘅就係炸乳鴿，乳鴿皮脆鮮嫩，一人一隻都唔嫌多，雖然我唔識食乳鴿頭，但係我朋友話啲乳鴿頭整得好香脆又有鹹香！之後我哋叫咗一啲鑊氣嘅食物，辣汁炒蜆和咕嚕肉係我嘅至愛，蜆肉肥，沒有沙，唔係好辣但係好野未，咕嚕肉炸得好香脆，肉質嫩，但係如果用新鮮菠蘿就更加好啦！雞蛋焗魚腸是另一個懷舊餸菜，不過我就唔係好識欣賞啦，因為我成日都覺得啲魚腸好污糟，不過我啲朋友話呢個餸焗到好香，而且又冇腥味，魚腸洗得好乾淨！另外腐乳炒通菜啲炒工炒得唔錯，啲菜都好嫩口，好香腐乳味，總括嚟講呢間大排檔整嘅食物都好有鑊氣，雖然現場環境就唔係太衛生，不過始終係大排檔一定係咁㗎啦，間中做下麻甩佬都唔錯啊！一面隊啤酒豪氣下！