Video
Read full review
2019-03-16
63 views
喺佐敦炮台街呢間餐廳開左冇耐，今日同朋友補祝生日，揀左呢度，因為見呢度好評甚多，應該都會好穩陣。事前已經睇過呢度嘅報導，環境果然好舒服。餐廳面積大，有吧枱有卡座，燈光稍暗，比較有氣氛。平日都好多人，好在有預訂位置。店員好快安排好座位，整體服務都非常好，尤其有位女店員，特別有禮，上菜前後有介紹，不時更換餐具。menu選擇非常多，除左鐵板燒，仲有涮涮鍋、壽司、刺身、廚師發辦等等，最正係佢地主打嘅活海鰻，有好多款食法配搭，例如鰻魚串、鰻魚飯、鰻魚蛋糕等，我地正正為此而來。最近喺日本旅行回來，真係特別懷念當地嘅鰻魚料理。相對起一般omakase，其實更加期待今次嘅活鰻魚會席，因為未喺其他餐廳食過呢。每人點左一份，首先上枱係沙律，好精緻，放上兩片炸鰻魚皮，好香口，沙律菜新鮮開胃刺身盛盒3點分別有帆立貝、甜蝦同炙深海池魚，刺身整體都非常新鮮，甜蝦大隻，而且好鮮甜，質素好高；帆立貝柔軟鮮味；最鐘意輕輕火炙過嘅池魚，除左有魚香，魚肉食落都好爽。活海鰻蒸年糕都好特別，第一次食咁有創意嘅料理，好似糯米糍咁，外層有少少脆，口感煙韌。裡面似鰻魚，魚肉都幾嫩，只係有啲細骨。活海鰻天婦羅唔會好厚粉，外脆內軟，鰻魚
menu選擇非常多，除左鐵板燒，仲有涮涮鍋、壽司、刺身、廚師發辦等等，最正係佢地主打嘅活海鰻，有好多款食法配搭，例如鰻魚串、鰻魚飯、鰻魚蛋糕等，我地正正為此而來。最近喺日本旅行回來，真係特別懷念當地嘅鰻魚料理。
相對起一般omakase，其實更加期待今次嘅活鰻魚會席，因為未喺其他餐廳食過呢。每人點左一份，首先上枱係沙律，好精緻，放上兩片炸鰻魚皮，好香口，沙律菜新鮮開胃
刺身盛盒3點分別有帆立貝、甜蝦同炙深海池魚，刺身整體都非常新鮮，甜蝦大隻，而且好鮮甜，質素好高；帆立貝柔軟鮮味；最鐘意輕輕火炙過嘅池魚，除左有魚香，魚肉食落都好爽。
活海鰻蒸年糕都好特別，第一次食咁有創意嘅料理，好似糯米糍咁，外層有少少脆，口感煙韌。裡面似鰻魚，魚肉都幾嫩，只係有啲細骨。
活海鰻天婦羅唔會好厚粉，外脆內軟，鰻魚本身無多餘調味，所以食落顯得魚味特別濃郁。
主食係活海鰻籠仔蒸飯，好特別嘅造型，同點心一樣用蒸籠仔裝住直接蒸，面頭有好大片鰻魚，鰻魚肉幾厚身，肉質軟腍，唯一係真係太多骨，食得唔係好方便。飯粒黏身軟熟，不過略乾，冇乜鰻魚汁。
活魚刺身原條，價錢合理，厚切爽口，唔需要sauce都好好食；旁邊加入薑、蔥，更加香口
最後試埋鰻魚蛋糕，好特別啊，因為鰻魚蓉加入蛋糕，除左做到蛋糕嘅軟熟質感，又真係有鰻魚味，感覺好新奇。
Post
