Video
Read full review
2023-06-03
291 views
兩公婆又去拍拖💕，已經想去呢間泰國fusion餐廳好耐🤩，餐廳有兩層都可以睇到維港景色，樓下係室內雅座，樓上嘅室外露天座位好似海灘餐廳咁，氣氛好好，輕鬆嘅vibes無論gathering定dating都好適合，好采有book定位，我地平日夜晚去都全場爆滿啊💕🍸Damn Pissed Off $108少女感勁出嘅Cocktail ，以份子料理方式製作出泡泡浴，加隻cute cute黃鴨仔，打卡真係一流啊 ，味道亦唔錯，Vodka混上清甜熱情果菠蘿同薑汁，溝埋啲泡泡更易入口💕🍸Kaboom $118以餐廳「KABOOM」為名， 以獨特嘅手法調製，Whiskey混合焦糖布丁味甜酒、自家制大吉嶺奶茶、雲呢拿味煉奶，非常易入口，好似飲緊奶茶味嘅Cocktail，好好飲😊💕🍢 KABOOM Sharing Platter $248 種類超級豐富嘅小食拼盤：有沙爹雞肉串燒、炸米紙線春卷、炸單骨雞翼、雞尾酒凍蝦、薯條，全部炸物都炸得酥脆唔油膩，雞尾酒蝦蝦肉好爽口彈牙，雞肉串燒面層有焦香，內裡肉質嫰滑，拼盤仲配有沙嗲醬、泰式辣醬、千島醬，份量十足，夠晒2-3個人share食💕🥧Tuna Cups $98
💕🍸Damn Pissed Off $108
少女感勁出嘅Cocktail ，以份子料理方式製作出泡泡浴，加隻cute cute黃鴨仔，打卡真係一流啊 ，味道亦唔錯，Vodka混上清甜熱情果菠蘿同薑汁，溝埋啲泡泡更易入口
💕🍸Kaboom $118
以餐廳「KABOOM」為名， 以獨特嘅手法調製，Whiskey混合焦糖布丁味甜酒、自家制大吉嶺奶茶、雲呢拿味煉奶，非常易入口，好似飲緊奶茶味嘅Cocktail，好好飲😊
💕🍢 KABOOM Sharing Platter $248
種類超級豐富嘅小食拼盤：有沙爹雞肉串燒、炸米紙線春卷、炸單骨雞翼、雞尾酒凍蝦、薯條，全部炸物都炸得酥脆唔油膩，雞尾酒蝦蝦肉好爽口彈牙，雞肉串燒面層有焦香，內裡肉質嫰滑，拼盤仲配有沙嗲醬、泰式辣醬、千島醬，份量十足，夠晒2-3個人share食
💕🥧Tuna Cups $98
新鮮生吞拿魚切成細粒粒，拌入自家製嘅芝麻醬，放入酥脆的撻皮中，口感豐富好味，愈食愈開胃
💕🐔Go Big Go KABOOM $278
原隻燒春雞經過24小時醃製，香料調味啱啱好，外皮燒烤到微焦脆身，內𥚃保持肉質嫩滑多汁，最欣賞係廚師已幫隻雞去除胸骨，易於進食，入口真係啖啖肉，底層嘅蔬菜索晒雞汁精華，非常正😋
💕🦑Spanish Octopus Leg & Squid Ink Spaghetti $258
賣相擺盤一流，兩大條粗粗嘅八爪魚腳非常吸精，入口爽口彈牙，鮮甜飽滿又濕潤，墨汁意粉口感煙韌彈牙，有豐富嘅鹹香味和淡淡嘅海鹽味，加上西班牙香腸片、鹹蛋黃碎等各種配料調味，味道香濃惹味，別有一凡風味，令人愈食愈滋味，值得推薦啊😍
Post
