Amina Modern European (Moved) New Location

今日同男朋友食飯，去左一間法國餐廳食晚飯，環境相當浪漫。精緻餐具。自家製的甘筍醬和茄子醬。醬汁大大驚喜，紅蘿蔔味道突出清甜，陣陣清清的香味，配麵包非常配合。喜歡自家製的提子麥包，鬆軟味道清甜，茄子醬菜香清香，麵包拼盤令人驚喜。紅菜頭醃三文魚非常新穎，紅菜頭爽脆清甜，三文魚感覺不會太膩，香甜開胃。野豬豬肩肉凍好特別的菜式，配上鴨肝醬，中間帶點肉粒有咬口，旁邊有香橙醬汁，不會太重口味。煙燻阿拉斯加蟹肉，蟹肉鮮甜香口，配上溫泉蛋口感更滑溜。番石榴雪葩。非常重的果味，入口味蕾清一清。海膽意大利飯。燒香加拿大海膽，鮮甜有陣陣海水味，飯粒加入毛豆清香有咬口。朱古力脆餅蛋糕都是自家製，甜度不高脆餅香脆，忌廉幼滑朱古力味濃。花茶/茶包，餐廳用上德國茶包。最後有雪影，朱古力。