六公館

Open Now

Now Closed

做完單大project，慰勞下班同事，任佢地揀餐廳，搵左海運大廈呢間六公館飲茶，貪佢環境夠舒服。門口唔算顯眼，行到走廊盡頭再扶手梯落一層，見到個招牌，維港海岸線盡入眼簾。餐廳裝修別緻，景觀怡人，氣氛不像一般酒樓，比較時尚。點心較具特色，賣相味道俱佳。黑金蝦餃賣相獨特，黑色外皮塑上金漆，外表滿分，然而味道只是一般。味道並不比傳統蝦餃優秀；最好味是中間粒黑蒜。松茸羊肚菌海膽燴飯海膽鮮味，炒飯火候及調味恰到好處，乾身不油膩。廚師功架表露無遺。雪山叉燒包外皮鬆脆配多汁叉燒涵，經典配搭。餐廳整體環境及食物質素較高，適宜特別慶祝場合。