Video
Read full review
2023-08-18
22 views
日本野個個香港人都鍾意食, 尤其是係壽司刺身。今日咪捉埋個朋友一齊去食試下新嘢，就係近我返工地方。間餐廳係10樓有室外室內，天氣咁熱，梗係揀室內啦，但出面其實環境都幾好！個menu都幾多嘢揀壽司、刺身、熱食，費事花多眼亂，我就揀咗個dinner set，款式齊，仲要包埋飲品或者甜品，啱曬我呢個大胃王。1.刺身沙律🥗：作為頭盤，個陳醋酸酸甜甜，幾開胃😋以為淨係得三文魚刺身，原來仲有油甘魚、八爪魚刺身，大大份都算開胃。2.刺身壽司盛🍣：全部都好新鮮，包括有一般嘅三文魚、油甘魚、帶子、紅蝦刺身，出奇地隻蝦係勁大隻，又新鮮，好味！3.馬賽魚湯：以為係咩魚湯，原來係海鮮湯，好似有龍蝦濃香味，細細碗啱啱好。4.海膽三文魚籽茶碗蒸：以為係普通蒸蛋，點知上面擺咗啲海膽同三文魚籽，再加埋個橙色醬，雖然鹹咗少少，但係配搭出呢個味，都好鮮好開胃。5.燒生蠔再加兩串串燒🍢：唔算好特別，不過燒出嚟啱啱好，唔會太熟太燶，個白鱔仲要咬落去好爽脆。6.豚肉壽喜燒🍲：其實食完前面幾個菜已經九成飽，再加埋個壽喜燒烏冬，直情係要捧住個肚出去。7. 海膽雪糕🍦：食甜品梗係女仔嘅另一個胃，第一次見到有海膽雪糕，點都加錢試下，個
1.刺身沙律🥗：作為頭盤，個陳醋酸酸甜甜，幾開胃😋以為淨係得三文魚刺身，原來仲有油甘魚、八爪魚刺身，大大份都算開胃。
2.刺身壽司盛🍣：全部都好新鮮，包括有一般嘅三文魚、油甘魚、帶子、紅蝦刺身，出奇地隻蝦係勁大隻，又新鮮，好味！
3.馬賽魚湯：以為係咩魚湯，原來係海鮮湯，好似有龍蝦濃香味，細細碗啱啱好。
4.海膽三文魚籽茶碗蒸：以為係普通蒸蛋，點知上面擺咗啲海膽同三文魚籽，再加埋個橙色醬，雖然鹹咗少少，但係配搭出呢個味，都好鮮好開胃。
5.燒生蠔再加兩串串燒🍢：唔算好特別，不過燒出嚟啱啱好，唔會太熟太燶，個白鱔仲要咬落去好爽脆。
6.豚肉壽喜燒🍲：其實食完前面幾個菜已經九成飽，再加埋個壽喜燒烏冬，直情係要捧住個肚出去。
7. 海膽雪糕🍦：食甜品梗係女仔嘅另一個胃，第一次見到有海膽雪糕，點都加錢試下，個海膽味好香濃呀，好似真係食緊海膽咁。
Post
