Video
Read full review
2022-09-15
262 views
好鍾意食海膽，但係喺香港唔係咁易食到好正嘅海膽。 今晚就約咗一班好姊妹嚟一個海膽之夜~選定咗銅鑼灣嘅U IZAKAYA，一出𨋢就見到一張酒吧枱，調酒師喺度調製緊飲品。裝修高格調，我哋揀咗坐梳化位，好舒適，啱晒我哋慢慢傾足一晚。烘烤過嘅竹炭麵包，配上溫熱嘅香濃海膽醬，滿滿滋味。磯煮花螺平時我好少食，今日朋友叫到就即管試吓。細細粒，估唔到煮得好入味，配返一杯酒精飲品，nice！預先預訂咗一板海膽，因為有優惠價，yeah~飛機貨，未食就知正，我哋不斷打卡影相。海膽刺身放喺青瓜片上面，再用玻璃杯裝住上枱。 用紫菜包住嚟食，雙種口感。海膽軟滑鮮甜，質感細膩，入口即溶，齒頰留香。海膽軍艦啲海膽多到滿瀉，一啖入口，好幸福呀！立鱗燒配海膽醬將魚塊炸到魚鱗企起，變成脆皮咁，連魚鱗都可以食埋呀。 酥！香！脆！ 本身已經好美味，加上海膽醬，又係一道海膽美食。海膽魚子醬帶子意粉意粉份量唔算多，加咗海膽醬去煮，好惹味。 上面鋪上一層煎帶子、一層海膽再加上黑魚籽，太豐富。海膽雪糕先試一啖，香滑甘甜，食落海膽味好濃郁。我自己就鍾意夾埋餅殼一齊食，變成一個夾餅咁樣嘅「最中餅」。店員服務親切有善，食物水準高，掂呀，有機
選定咗銅鑼灣嘅U IZAKAYA，一出𨋢就見到一張酒吧枱，調酒師喺度調製緊飲品。
裝修高格調，我哋揀咗坐梳化位，好舒適，啱晒我哋慢慢傾足一晚。
烘烤過嘅竹炭麵包，配上溫熱嘅香濃海膽醬，滿滿滋味。
磯煮花螺
平時我好少食，今日朋友叫到就即管試吓。細細粒，估唔到煮得好入味，配返一杯酒精飲品，nice！
預先預訂咗一板海膽，因為有優惠價，yeah~
飛機貨，未食就知正，我哋不斷打卡影相。
海膽刺身
放喺青瓜片上面，再用玻璃杯裝住上枱。 用紫菜包住嚟食，雙種口感。海膽軟滑鮮甜，質感細膩，入口即溶，齒頰留香。
海膽軍艦
啲海膽多到滿瀉，一啖入口，好幸福呀！
立鱗燒配海膽醬
將魚塊炸到魚鱗企起，變成脆皮咁，連魚鱗都可以食埋呀。 酥！香！脆！ 本身已經好美味，加上海膽醬，又係一道海膽美食。
海膽魚子醬帶子意粉
意粉份量唔算多，加咗海膽醬去煮，好惹味。 上面鋪上一層煎帶子、一層海膽再加上黑魚籽，太豐富。
海膽雪糕
先試一啖，香滑甘甜，食落海膽味好濃郁。我自己就鍾意夾埋餅殼一齊食，變成一個夾餅咁樣嘅「最中餅」。
店員服務親切有善，食物水準高，掂呀，有機會一定要再嚟！
Post
