S2 鐵板燒 (Closed)

之前透過某社交平台見到S2鐵板燒嘅名物 「18層海膽杯」已經好想黎呢間餐廳試架啦~奈何身邊朋友都無時間今天外出工作時就咁啱經過餐廳，正好有啲肚餓，望望日子剛好出糧加上最近私伙生意又賺到一筆可觀收入，一於去食餐好野慰勞下自己，為自己打打氣先！餐廳提供好幾款唔同嘅一人前套餐，但由於套餐內有啲我唔太有興趣嘅食物，所以都係決定單點我最想試嘅食物 雖然我好想試海膽杯，但驚一個人食會好快膩，所以叫咗A5和牛松茸海膽卷、火陷海膽甲羅燒、西京醬燒銀鱈魚、北海道黑松露活帆立貝【A5和牛松茸海膽卷$428】墊底嘅多士索滿哂海膽、和牛同松茸嘅精華。A5和牛份量唔細，生熟程度控制得好好。入口即化嘅和牛包住滿滿嘅海膽，非常濃郁甘香，真係好味到要啜手指！【火焰海膽甲羅燒$188】燒好之後將所有材料撈埋一齊食，每一口都有鮮甜蟹肉同海膽，不得不提呢度嘅海膽質素真係好掂！每一啖都好甘甜，真係拍得住我係北海道食個啲新鮮海膽！【西京醬燒銀鱈魚$168】銀鱈魚非常嫩滑，燒得微焦加上白麵豉嘅微甜，真係一個完美配搭。所以西京燒銀鱈魚一向係我最愛嘅日本菜式之一【北海道黑松露活帆立貝$88】帆立貝非常新鮮，絕非雪藏貨。肉厚多汁，加上