S2 鐵板燒 (Closed)

之前係網上見到這間餐廳的報道，見到佢既海膽芝士龍蝦好似好吸引，所以便相約朋友黎試試。餐廳位置近柯士甸站，但在佐敦行過去都唔係好遠!餐廳不算很大，有Bar 枱同普通枱的位置，而且環境幾有日本餐廳的感覺。這裡的套餐唔駛一定要兩個人都點，可再散叫，這樣兩個人可試更多不同食物。我們點了海膽焗原隻龍蝦北海道帆立貝海鮮套餐($780/位)，這個套餐包括了沙律、刺身、龍蝦、帆立貝、鰻魚、炒飯、湯、雜菇同埋甜品。煙燻鴨胸沙律盛合，沙律菜用上芝麻醬拌勻，鴨胸唔會好咸，整個沙律很開胃。刺身包括有牡丹蝦、三文魚和北寄貝，牡丹蝦差不多跟手掌一樣大，多蝦膏，而且鮮甜。招牌脆皮煎鰻魚，好似係香港我會中意食鰻魚，這裡的鰻魚煎到卜卜脆，好香口!鐵板海膽醬芝士焗原隻龍蝦，好耐冇食過芝士龍蝦啦，仲要有海膽醬十分正。龍蝦肉鮮甜彈牙，加上海膽醬和芝士提鮮，而且好多肉，十分惹味!S2鐵板紙包蜆湯，這個湯很創新，用上了一張紙包住湯，上菜時店員會幫忙剪開袋子，湯夠熱而且聞到陣陣蜆肉味，湯很鮮甜!我們還單點了一些食物!蟹粉甲羅燒海膽杯($188)，平時食甲羅燒，大多數只有數粒三文魚籽，但這裡不但有勁多三文魚籽，還有海葡萄和海膽，4款