本場

Open Now

Now Closed

除夕夜，一家人去食燒肉，今次嘅燒肉放題我地揀左頂级澳洲和牛海鮮放題，另外加$48可以追加任食其他海鮮。餐廳用QR code落單，M5澳洲和牛小排雪花平均，入口滑嫩。牛胸腹油脂豐厚，肉味濃郁。牛板腱脂肪少，肉結實，我地encore左幾次。必加$48，有日本原隻生蠔、半殼鮑魚、車海老、香草牛油帶子等等，海鮮很新鮮，半殼鮑魚必食，口感彈牙，餐廳已幫我地離殼，所以唔難燒，生蠔鮮甜、香草牛油帶子大大隻。甜品竟然有鯛魚燒，燒到外面脆卜卜，鯛魚燒豆沙餡都好多，而且不會好甜。其他甜品有西米椰汁糕、日式麻薯、焦糖大福等。每一人仲送一杯Movenpick 雪糕添！小食熟食款式都好多，有清酒煮蜆、炸蝦、炸雞軟骨、螺肉、泡菜等等，估唔到餐廳會有冬蔭功湯，很足料，冬天飲好暖胃。