威龍海鮮酒家

Open Now

Now Closed

好耐冇去鯉魚門食海鮮，今日約埋一班朋友去食，餐廳呢期推出呢個套餐，十分抵食，我地每位食到非常滿足。龍蝦刺身刺身爽口彈牙，味道鮮甜。原味凍食松葉蟹松葉蟹啖啖肉，凍食更加令到蟹味更濃郁鮮甜。清蒸蘇鼠斑魚肉嫩滑，蒸嘅時間剛剛好，薑蔥龍蝦頭爪炸麵將頭先龍蝦刺身頭再用薑蔥煮，完全唔會浪費，龍蝦變得好惹味，炸麵炸到脆卜卜。豉椒炒大蜆完全沒有沙，醬汁味道唔會過鹹。秘製咕嚕肉味道酸甜開胃，食落外脆內多汁。風沙豆腐豆腐外脆內軟，帶有少少麻辣味道，好惹味。麵豉醬唐生菜生菜爽甜，加上麵豉醬鹹鹹香香。一品海鮮湯超級濃郁嘅魚湯，味道鮮甜。皇牌瑤柱蛋白炒飯炒到粒粒分明，好有鑊氣。是日果盤有西瓜，哈密瓜，菠蘿，芒果，水果鮮甜多汁。