大戶屋

Open Now

Now Closed

前排夏天熱辣辣，就係想食d生冷野。比起飯我更加鐘意食麵，無論多送少送甚至冇送既素麵，只要有素麵汁，都會食得好滋味。喺太古鰂魚涌附近都有幾間餐廳有素麵食，果日行開去康怡間Aeon，就決定喺果度食。好在我黎得算早，如果唔係應該有排等。佢呢個menu就咁岩係我想食既野，fit哂。既有素蕎麥麵，又有個迷你刺身丼。個soba上到黎，望落就唔算好多，但加埋個飯就都夠既。淥得唔會太林，有番蕎麥麵果重煙韌既口感。夾一駐冰涼既麵，浸一浸落個素麵汁度，簡單，但既消暑又滿足。蕎麥麵有咬口，一路𡁻一路食到果陣蕎麥既香味。三文魚飯既刺身都幾新鮮，份量如果更多就好。冰涼既素麵，加埋有鰹魚香既素麵汁，食下又一啖食下又一啖，一陣就俾我清哂。雖然價錢黎講就貴左d，因為始終蕎麥麵，素麵麵只係將麵淥熟，當然我唔知佢既麵係買番黎定餐廳自己整。餐廳坐得都算舒服，不過我食完個餐準備埋單果陣，出面已經企哂人喺度等位，lunchtime要黎食都係盡量早d黎好。