Video
Read full review
2020-05-20
7702 views
想試呢間露台餐廳好耐，價錢合理而且半島集團出品應該有水準，趁呢排未有咁多人出街，專登入嚟試下。一入到去餐廳，整個環境氛圍已經比好高分，一如我哋訂枱時嘅要求，被安排坐window seat，靠窗坐可以感受到陣陣涼風，仲清楚望到窗外嘅海景，有種旅行渡假嘅感覺。我哋一行3人嗌咗tea set，揀咗雲尼拿藍莓黑茶，帶少少酸味，淡得嚟唔會搶咗食物嘅味。Tea set望落好精緻，最高嗰層係咸點，第二、三層除咗松露炒蛋撻都係甜嘅。 雖然我本身幾鍾意食甜嘢，但以食材配搭同味道嚟評分嘅話，都係咸點較出色。咸點用料都幾上乘，有火腿、煙三文魚、蟹肉。 比較深刻係蟹肉沙律番茄麵包卷，一咬落去番茄麵包有淡淡茄香，蟹肉多到跌出嚟，好鮮味好豐富。 芝士慕斯黑麥包，芝士嘅部分滑且帶咸香，黑麥包鞋鞋地帶麥香，灑上乾蔥同香草，用脆脆嘅口感同香味點綴咗成件點心 松露炒蛋撻，食落軟綿綿到直程唔覺得似蛋，之後蛋味慢慢滲出嚟。松露味唔係好出。撻皮做得幾好，不過如果用啲soft啲嘅食材襯炒蛋，應該更加突顯到蛋嘅軟滑 甜品方面個人比較鍾意士多啤梨黑莓撻，甜度適中，用料新鮮。 焦糖朱古力泡芙，表層鋪滿焦糖脆脆，放入口有啲炸炸地仲越嚟越
一入到去餐廳，整個環境氛圍已經比好高分，一如我哋訂枱時嘅要求，被安排坐window seat，靠窗坐可以感受到陣陣涼風，仲清楚望到窗外嘅海景，有種旅行渡假嘅感覺。
Afternoon tea set
248 views
0 likes
0 comments
我哋一行3人嗌咗tea set，揀咗雲尼拿藍莓黑茶，帶少少酸味，淡得嚟唔會搶咗食物嘅味。
Tea set望落好精緻，最高嗰層係咸點，第二、三層除咗松露炒蛋撻都係甜嘅。
Afternoon tea set
1037 views
2 likes
0 comments
雖然我本身幾鍾意食甜嘢，但以食材配搭同味道嚟評分嘅話，都係咸點較出色。咸點用料都幾上乘，有火腿、煙三文魚、蟹肉。
比較深刻係蟹肉沙律番茄麵包卷，一咬落去番茄麵包有淡淡茄香，蟹肉多到跌出嚟，好鮮味好豐富。
芝士慕斯黑麥包，芝士嘅部分滑且帶咸香，黑麥包鞋鞋地帶麥香，灑上乾蔥同香草，用脆脆嘅口感同香味點綴咗成件點心
松露炒蛋撻，食落軟綿綿到直程唔覺得似蛋，之後蛋味慢慢滲出嚟。松露味唔係好出。撻皮做得幾好，不過如果用啲soft啲嘅食材襯炒蛋，應該更加突顯到蛋嘅軟滑
甜品方面個人比較鍾意士多啤梨黑莓撻，甜度適中，用料新鮮。
焦糖朱古力泡芙，表層鋪滿焦糖脆脆，放入口有啲炸炸地仲越嚟越強烈，原來加咗爆炸糖，完全估佢唔到！泡芙入面就係滿滿嘅朱古力忌廉，食完好滿足(亦都好飽)
訂枱時講明用餐時間兩個鐘，但當日過咗鐘都比我哋繼續坐。雖然食物以偏甜嘅甜品為主，比較適合嗜甜人士，但環境同氣氛已經攞滿分，而且味道中上，份量亦相當足料，好值得嚟
Post
