夜燒站

Open Now

Now Closed

係荃灣想食宵夜嘅話，一定要黎依間夜燒店。佢由中午開到凌晨12點，專門食串燒，唔怕夜晚冇著落。串燒分別有豬、雞、牛、羊、海鮮、蔬菜，仲有飯麵、炸物等等。特別推薦雞肉軟骨棒，口感脆脆，仲附上蛋黃醬調味。野菜豬肉卷、豬肉荔枝卷，包得好紮實，估唔到豬肉同荔枝都咁夾。鹽燒牛舌厚切，味道香濃。蒜蔥封門柳肉味重，好香腍。蛋黃醬白蘑菇，蘑菇非常軟熟。而另一個芝士流心蛋大啡菇熱辣辣，上面鋪上滿滿嘅流心芝士，勁邪惡~焗蝦同埋青口都好鮮甜，青口上面仲淋上咗蛋黃醬黎烤添。燒鰻魚肝好有特色，第一次食。吉列免治豚肉蕃茄，係蕃茄入面鑲咗豬肉再炸，整得好精緻。最後仲有明太子燒飯糰同埋三文魚炒飯，飯糰焦脆，明太子香甜。炒飯有唔少三文魚同魚籽，非常香口。