鳥海山鐵板燒

Open Now

Now Closed

今日同朋友黎到深水埗食鐵板燒，本來都好surprised 點解係深水埗，朋友話真係物超所值，不得不食。黎到地方都幾大，可惜今日安排唔到坐bar枱，睇唔到廚師表演，但都好滿足。我地叫左個2人餐，睇落價錢都好大眾化。首先黎既係蔬菜沙律，好新鮮既火箭菜，好開胃。然後係是日精選剌身：愛侶，馬邊魚，鱸魚，油甘魚。 侍應話要順序由淡味到濃味食，果然好鮮美，亦唔會太漏，廚師配搭得好好。醬燒鮑魚好鮮甜，咬落又爽口。 燒龍蝦好吸晴，睇落隻龍蝦唔太大，但好多肉，佢仲用返龍蝦膏配個醬汁炒，超濃郁，令龍蝦食落更鮮味。牛肉薄燒勁嫩滑，入面既蔥又唔太嗆味，反而帶到牛肉片既香。 好欣賞佢個櫻花蝦炒飯，粒粒均勻蛋醬又夠香，真係食多碗都得呀。而最後既雪糕糯米滋抽到荔枝味，真係好開心。今餐真係食得好豐富，估唔到深水埗真係有咁正既鐵板燒。