燒肉屋 (清風街)

來到銅鑼灣天后地鐵站附近的清風街<燒肉屋>，當然要品嚐一下呢度嘅燒肉，新開嘅燒肉店地方雖然唔算好大，但係餐廳環境格局非常精緻美麗，好似去左居酒屋甘，好有日本風嘅感覺，打卡一流！！～餐廳供應嘅前菜有蓮藕、白蘿蔔、茄子、芽菜、泡菜，仲有生菜，全部都可以無限refill。<八爪魚柚子沙律>呢個沙律非常特別，用上好多新鮮嘅八爪魚刺身來造成，酸酸甜甜，非常開胃。<超長日式牛仔骨>呢個牛仔骨有成兩隻手掌咁長，非常之大塊，牛仔骨用日式醬汁醃製，非常惹味好食，烤過之後充滿牛肉味道，而且好軟淋。<蒜蓉牛油烤帆立貝>帆立貝總共有四大隻咁多，隻隻都非常新鮮，烤過之後充滿牛油同蒜蓉嘅香味，配埋贈送嘅白飯撈埋一齊食，非常之好食。另外加上<燒肉拼盤>，有醬汁牛五花、豬頸肉、牛胸腹肉、封門柳肉同雜錦香腸。全部嘅牛肉肉質都非常之新鮮同嫩滑，烤完之後充滿牛肉嘅香味，仲充滿肉汁同彈性。飲品叫咗<熊仔冰茶>同埋<士多啤梨乳酸特飲>，味道非常清新，唔會過甜。個人覺得呢間燒肉嘅質素都非常之高，而且價格唔算好貴，值得下