湊湊火鍋‧茶憩 (希慎廣場)

Open Now

Now Closed

天氣涼快，今日晚餐決定去打邊爐。地點選左去希慎廣場湊湊火鍋。湯底有9款，今日食紅顏花膠雞鍋。紅顏花膠雞鍋 單鍋 $198 駌鴦鍋 $138 另加一一上枱就聞到好香花膠湯味，滾咗即刻飲啖先，個湯又清又重花膠味，好濃厚，好正，絕對可以飲清！不過所謂花膠，其實即係魚肚，厚身魚肚十幾件左右，質素可以，不過唔係花膠。反而有幾粒迷你鮑魚就好驚喜，好新鮮有嚼勁。鍋底有唔少雞肉粒，好瘦不過好嫩。仲有薏米喺底，好有咬口。蔬菜有10隻冬菇同幾片雞髀菇，呢個湯底適合就咁食，好健康。麻辣鴨血豆腐麻辣鴨血豆腐無限添加，仲寫明可以比你打包返屋企。味道都幾辣，不過唔太麻，可能配合返港人口味，鴨血新鮮爽脆，豆腐都正常。可以任食好抵！要叫服務員攞比你。任食自助吧有時令前菜兩款，分別係中華沙律同香辣魚皮。另外仲有西瓜同哈蜜瓜，西瓜起沙，又甜又多汁。哈蜜瓜就無乜味。之前有既百合茄而家無咗。每位收$19另加一。價錢包多款秘製醬料，同埋白飯。可以自製肉燥飯。秘製醬料16款，俾你自由配搭。酸梅凍免費甜品今次轉咗口味，以前係梅子茶凍，而家係酸梅凍。酸梅凍無茶味，酸酸甜甜，又好滑溜，入面仲有兩片柑肉，非常好味道。餐中冰沙仲有餐中冰沙