農耕記 湖南土菜 (東港城)

Open Now

Now Closed

將軍澳東港城開了農耕記，今晚就同老公去呢間主打湖南土菜嘅餐廳試下。餐廳環境舒適乾淨企理，裝修優美，價錢合理，如可以開大啲冷氣更加好。第一次嘗試湖南土菜，感覺十分良好，自行scan QR code落單。蒜蓉粉絲蝦仁果然唔係預製菜，上枱即蒸的，上菜時一大鍋蒜蓉蝦仁放上炒粉絲上面用gas爐慢慢加熱焗熟，侍應還比咗個漏斗仔我哋，話啲沙漏完就可以熄火，望住啲蝦由生變熟，睇住都幾得意。蝦仁已全去殼，爽口彈牙，墊底的粉絲看似好深色, 但食落唔會過鹹, 味道剛剛好，好入味有咬口。清炒毛白菜菜身肉厚夠甜，清炒可以食到原汁原味。魚湯白豆腐魚湯豆腐清淡得來又足料，豆腐像豆花一樣香醇軟嫩，魚湯又鮮美，係完美的配搭。砂鍋煨豬腳豬腳入味，燴得好腍。香水檸檬茶大大杯好抵飲，1L巨量，茶味較淡，帶淡淡的青檸味道，飲起來無苦澀味，味道清香，一杯可以二人飲，飲唔曬可以拎走飲。環境充滿農家氣息，地方舒適，無論食物、環境，以及服務都依然同深圳一樣，店員服務友善，親切有禮，價錢大眾化，份量亦夠大份，食物質素真的不錯。