Video
Read full review
2019-04-09
1310 views
每次都係隔離舖位食燒味飯，首次早餐到訪。細閱餐牌一下，鼓油皇咩黎架，豉油麻？楊州邊度黎架，揚州麻？有趣有趣。菜牌寫住脾類，我見到都覺得好疲累呢。雞髀個髀，唔係脾氣個脾，唔係脾胃個脾。這年頭物價騰貴跟不合理租金，合記及金源售價已上調不少，當然明白的。落雨連火車都塞，慢到死？話知佢遲到咪遲到，最緊要食飽先！對對個鐘已經 09:10，民以食為天，當然嘆埋個早餐晨早鋸個扒先開始工作。這邊廂內籠古色古香，食客不多，茶記來說算寧靜，坐得舒服，最好坐係卡位，長檯就有點迫夾。嬸嬸姐姐哥哥叔叔服務都周到，只係環境比不上合記。舖位始終較殘舊感覺衛生程度偏低，合記空氣流通又開揚，地方光猛乾淨，雖然無卡位都坐得舒服既。丁麵都只加 $2 蚊勁抵食。比合記平 $2 蚊大大份，扒麵餐平 $10 蚊，食物質素還要更好。快狠準平靚正大大份，抵食過合記好很多多聲。嬸嬸親切招待感覺溫暖，已計劃想試公司出前一丁多時，機會黎喇 ﹗不過侍應嬸嬸問我點解要食公司麵 $33 蚊無餐飲，而不選擇早晨套餐呢？散叫杯凍飲加個麵要 $50 蚊，不化算喎。公司麵大慨都是餐腿蛋腸叉燒煙肉之麻，不如食個扒麵或叉燒麵，仲有餐腿蛋多士選擇，送埋餐飲添
落雨連火車都塞，慢到死？話知佢遲到咪遲到，最緊要食飽先！對對個鐘已經 09:10，民以食為天，當然嘆埋個早餐晨早鋸個扒先開始工作。這邊廂內籠古色古香，食客不多，茶記來說算寧靜，坐得舒服，最好坐係卡位，長檯就有點迫夾。嬸嬸姐姐哥哥叔叔服務都周到，只係環境比不上合記。舖位始終較殘舊感覺衛生程度偏低，合記空氣流通又開揚，地方光猛乾淨，雖然無卡位都坐得舒服既。
丁麵都只加 $2 蚊勁抵食。比合記平 $2 蚊大大份，扒麵餐平 $10 蚊，食物質素還要更好。快狠準平靚正大大份，抵食過合記好很多多聲。嬸嬸親切招待感覺溫暖，已計劃想試公司出前一丁多時，機會黎喇 ﹗不過侍應嬸嬸問我點解要食公司麵 $33 蚊無餐飲，而不選擇早晨套餐呢？散叫杯凍飲加個麵要 $50 蚊，不化算喎。公司麵大慨都是餐腿蛋腸叉燒煙肉之麻，不如食個扒麵或叉燒麵，仲有餐腿蛋多士選擇，送埋餐飲添，抵食不浪費喎。
腸仔太陽蛋叉燒湯意粉，內外全熱油腸略咸，能炸得乾爽皮脆就更開心咯。蛋箍煎蛋圓圓好靚仔，蛋底焦香微脆，蛋白嫩嫩的。白菜太生，咬落生水味而帶澀，爽爽硬掘掘，我要腍腍的甜甜甜的汁汁的。叉燒切得厚薄一致，排得整齊美觀，賣相吸引。厚切叉燒好咸啊，浸到最後味道正常微甜，結實不軟。雞湯特濃跟通粉湯底一樣，意粉滑彈高質新鮮生猛，不粉不腍，連湯齊啜極美味。
炸雞髀多士，金髮嬸嬸提醒新鮮生炸要點時間呢，可以無緊要，最重要好味道。多士新鮮烘出，熱騰騰香噴噴，外脆內軟，高質到忍唔住食晒。生炸無欺場無偷懶，熱力迫人無得輝！雞皮乾爽脆卜卜，大啖一咬扯熱到燙嘴雞汁噴射！雞甜味出眾，啖啖嫩肉醃味十足，骨頭都損得乾乾淨淨，非常出色。
火腿煎蛋豬扒多士，香煎五香豬扒十分有質素，比合記香草煎豬扒更好身材更色香味，不油不肥膩，肉質結實微彈帶肉汁。紅腸炒蛋沙嗲牛肉出前一丁，即做炒蛋滑滑溜，厚身蛋香味濃，非常滿意無投訴。還諗住起碼給我荷包蛋，點知係全熟蛋添，陰功。一早煎定微暖焦香，好采唔係放得太耐，仍感受到少量生命力。
紅腸太陽蛋煎雞扒出前一丁，真新鮮生煮出前一丁，即叫即煮原汁原味，爽彈嫩滑無比，跟湯齊煮吸盡湯汁精華程亮麗奪目淺啡色，入口爆湯熱燙，香甜味美充滿生命力。蛋漿掛麵齊齊啜，湯甜蛋美麵彈亙動增幅，小宇宙燃燒到極限，可能係世界上最夾的極樂味道！腸仔太陽蛋牛扒多士，見叔叔將牛扒走完油再煎，乸牛腍腍醃味濃，蛋漿牛扒牛油多士，齊齊咬！多士鬆脆索一聲，太美味喇！
餐肉太陽蛋沙嗲牛肉出前一丁，鬆軟白麵包，搽得牛油滿滿幼滑甜美。厚厚沙嗲汁撈撈湯麵勁清爽香甜，沙嗲味完全滲入嚥韌牛肉內，讓熱熱丁麵捲住嘆，滋味無窮，還有爽甜菜芯作伴。腸仔太陽蛋吉列魚柳湯烏冬，勁淡雞湯底，可能因為淡口烏冬溝淡少少。即食普通烏冬，煮得出色烚得彈滑夠時間，不粉不硬可口滿意滑嘟嘟。勁脆勁薄吉列魚柳，食到魚味，當食餅乾，味道唔錯。
鮮牛肉湯通粉，諗得太理想，還以為會是原汁原味無鬆過牛肉呢。眼前的腍劈劈滑嘟嘟，假味鬆牛唔難食。雞粉湯底夠濃郁，洒上大量胡椒粉點綴一下，辛辣驅寒暖胃，味道極好。
西煎牛扒出前一丁，牛扒醃味與質地跟大昌、百佳的黑椒牛扒百份百一樣，鬆到滑潺潺腍劈劈，味道微香微辣超級油淋淋，港式蠻可愛蠻可口。師傅煮丁麵的手藝直迫合記，就連伴碟的白菜仔都爽甜鮮嫩，不苦不澀，一絲不苟。
太陽蛋豬扒出前一丁，五香煎豬扒，絕對美味多汁鬆化好好食，有點焗豬的影子，豬甜撞上清爽五香醃料，拍手叫好食得過。辣油有著桂林辣椒油的遺傳，夠咸夠香夠味，微辣合格，添點風味，生息不少。
煙肉太陽蛋五香肉丁出前一丁，香煎煙肉咸香出色，不肥膩不乾硬，爽彈脂肪，嚥韌瘦肉。大大粒五香肉丁，沒肥膏啖啖肉，辛辣味濃夠惹味，麵條掛湯連油再捲肉，啜得我欲罷不能。紅腸太陽蛋煎雞扒出前一丁，大量無得頂極甜翠嫩芥蘭，多謝叔叔師傅。香煎雞扒醃味濃郁，味道出眾可口，雞皮香滑黏彈，雞肉白滑水潤多汁富嚼勁，滿分無投訴。
太陽蛋吉列豬扒出前一丁，超巨大吉豬，難怪沒有提供餐腿蛋選擇咯，無緊要我自己加錢要多隻太陽蛋，最愛食雞蛋，連凍齋啡 $36 十分抵食，滿足飽飽。最愛薄薄幼麵包糠，粗麵包糠會太粗太硬太刮口。麵包味太濃烈蓋過豬扒味，外層勁鬆脆香口新鮮熱辣，鎖住肉汁，真味無乸過五香豬扒香甜霸道，超水準質彈牙有咬口。浸湯吃別具特色，半濕半脆滲著湯汁。丁麵有點生不夠熟，爽就真的非常爽，不過趙到索索聲夾雜少少脆喎。
火腿太陽蛋雪菜肉絲出前一丁，火腿煎過更加香氣飄飄，有誠意無偷懶。雪菜肉絲居然炒過，咸鮮味道非凡，異常香口爽爽滲汁。讓爽彈麵條掛著吃，每口清爽咸香醒腦醒神。餐肉太陽蛋炸雞中翼出前一丁，香煎厚餐肉外脆內嫩，鬆軟水潤，肉香油香出眾美味，兩片軟塾餐肉比合記乾硬油更美味甘香，棉棉肥美不乾不硬，多汁豬肉美味。新鮮炸起雞中翼，香脆鬆化強蒜味，醃味濃濃可口，肥美脹卜卜，肉嫩多汁高檔。
雙太陽蛋炸雞扒出前一丁，煎雞扒天堂般美味，炸雞扒強咸受不了！用滾湯洗洗舒服得多，極脆雞皮在焦燶邊緣，雞肉外層硬化帶乾。失手太陽蛋煮過熟呢，幸好還留有點點蛋黃漿，甘香依舊，蛋香十分焦香微脆。琴晚發夢食沙嗲牛麵，忍唔住早餐要整返碗先得！
腸仔太陽蛋叉燒湯意粉
20 views
0 likes
0 comments
腸仔太陽蛋叉燒湯意粉
16 views
0 likes
0 comments
炸雞髀多士
104 views
0 likes
0 comments
炸雞髀多士
58 views
0 likes
0 comments
火腿煎蛋豬扒多士
20 views
1 likes
0 comments
紅腸太陽蛋煎雞扒出前一丁
22 views
0 likes
0 comments
腸仔太陽蛋牛扒多士
29 views
0 likes
0 comments
腸仔太陽蛋牛扒多士
12 views
0 likes
0 comments
餐肉太陽蛋沙嗲牛肉出前一丁
15 views
0 likes
0 comments
腸仔太陽蛋吉列魚柳湯烏冬
17 views
0 likes
0 comments
腸仔太陽蛋吉列魚柳湯烏冬
17 views
0 likes
0 comments
鮮牛肉湯通粉
5 views
0 likes
0 comments
紅腸太陽蛋沙嗲牛肉出前一丁
7 views
1 likes
0 comments
西煎牛扒出前一丁
17 views
0 likes
0 comments
太陽蛋豬扒出前一丁
22 views
0 likes
0 comments
餐肉太陽蛋煎雞扒出前一丁
16 views
0 likes
0 comments
辣椒油
8 views
0 likes
0 comments
煙肉太陽蛋五香肉丁出前一丁
6 views
0 likes
0 comments
紅腸太陽蛋煎雞扒出前一丁
7 views
0 likes
0 comments
紅腸太陽蛋煎雞扒出前一丁
14 views
0 likes
0 comments
太陽蛋吉列豬扒出前一丁
13 views
0 likes
0 comments
火腿太陽蛋雪菜肉絲出前一丁
14 views
0 likes
0 comments
火腿太陽蛋雪菜肉絲出前一丁
13 views
0 likes
0 comments
紅腸炒蛋沙嗲牛肉出前一丁
34 views
0 likes
0 comments
腸仔太陽蛋五香肉丁出前一丁
57 views
0 likes
0 comments
煙肉太陽蛋沙嗲牛肉出前一丁
56 views
0 likes
0 comments
餐肉太陽蛋炸雞中翼出前一丁
54 views
0 likes
0 comments
紅腸太陽蛋五香肉丁出前一丁
71 views
0 likes
0 comments
雙太陽蛋炸雞扒出前一丁
86 views
0 likes
0 comments
腸仔太陽蛋沙嗲牛肉出前一丁
77 views
0 likes
0 comments
Post
