喫茶ちょうぼ

Open Now

Now Closed

每款食物都又靚又好食！靚到好似食物模型咁，以為佢得個樣啦，食落口，哇，又夠汁juicy 又鬆軟好食，真係滄海遺珠呀！而家去食惠顧$500以上仲有七折㖭！必試焦糖洋葱鳥取和牛漢堡配薯條（$115）塊漢堡扒成個波咁厚，咬落咁要好juicy, 牛肉香之餘仲有啖啖洋葱香。塊麵包唔係一般食咁乾，而係好濕潤又鬆軟，就咁食塊包都好食！係必試！黃咖哩白露蟹肉蛋包飯（$165）隻蛋係好滑嫩，個飯有蘿蔔粒增加口感，個咖哩微辣帶香，蟹肉都唔少。月見雞皮餃子（$77）驚喜地咬開有爆開的口感，咬落有菇增加口味，又有蓮藕粒，有爽脆的口感，配埋生雞蛋，好食。桂花烏龍布甸戚風蛋糕盛盒（$115）個布甸好香好滑溜，仲有香濃嘅牛奶味，但係桂花烏龍味就唔係好覺啦。個戚風蛋糕都做得好好，好鬆軟，將個蛋糕加埋啲餅碎同埋果仁食，好食又有口感！二番甜薯牛乳（$58）原來二番係解入邊有紫薯又有黃薯，牛奶味香濃，感覺冇另外加甜，味道自然。