Video
Read full review
2022-07-13
3226 views
SUKIYAKIYA 距離會展站只有數分鐘嘅步行路程，地點方便。餐廳充滿日式和風格調，柔和木系裝修配上不同深淺嘅藍色，座位闊落，令人可以放鬆心情好好享用美食。我同仔仔點咗兩個壽喜燒餐：日本產-特選黑毛和牛(A5 $689)及日本產-黑毛和牛(赤身肉 $529)每一個餐都包括前菜、主菜同甜品。前菜有精緻4小碟：高糖度日本蕃茄配沙律菜、日本生蠔、生牛肉他他同柚子漬蘿蔔。店員非常細心。見到有小朋友，首先詢問我阿仔可唔可以食生牛肉及生蠔。當我話俾店員知佢唔食生肉時，佢幫阿仔份生牛肉煮熟，但係生蠔呢，就益左媽咪食多一隻啦！我亦非常樂意，因為生蠔肉質肥厚，爽口鮮甜，配上魚子，真係可以食多一打！生牛肉他他煮熟之後，肉味香濃，不過我自己就比較鍾意生食，混合鵪鶉蛋同開心果碎，肉質更嫩滑，口感豐富。和牛每款有3大片，色澤粉嫩，油脂分布平均。赤身肉，肉味濃郁，脂肪比例較少；A5入口即溶，油脂甘香，各有特色。店員詳細介紹完和牛之後就替我哋烹調。首先放入牛脂起鑊，鋪上薄切嘅和牛。先讓肉片稍稍煎香，再加入醬汁煎香至五成熟後捲起，整片牛肉閃閃發亮，十分誘人。第一片肉，先試原味，肉質非常軟嫩可口。第二片肉，浸入日本生
我同仔仔點咗兩個壽喜燒餐：日本產-特選黑毛和牛(A5 $689)及日本產-黑毛和牛(赤身肉 $529)每一個餐都包括前菜、主菜同甜品。
前菜有精緻4小碟：高糖度日本蕃茄配沙律菜、日本生蠔、生牛肉他他同柚子漬蘿蔔。
店員非常細心。見到有小朋友，首先詢問我阿仔可唔可以食生牛肉及生蠔。當我話俾店員知佢唔食生肉時，佢幫阿仔份生牛肉煮熟，但係生蠔呢，就益左媽咪食多一隻啦！我亦非常樂意，因為生蠔肉質肥厚，爽口鮮甜，配上魚子，真係可以食多一打！
生牛肉他他煮熟之後，肉味香濃，不過我自己就比較鍾意生食，混合鵪鶉蛋同開心果碎，肉質更嫩滑，口感豐富。
和牛每款有3大片，色澤粉嫩，油脂分布平均。赤身肉，肉味濃郁，脂肪比例較少；A5入口即溶，油脂甘香，各有特色。
店員詳細介紹完和牛之後就替我哋烹調。首先放入牛脂起鑊，鋪上薄切嘅和牛。先讓肉片稍稍煎香，再加入醬汁煎香至五成熟後捲起，整片牛肉閃閃發亮，十分誘人。第一片肉，先試原味，肉質非常軟嫩可口。第二片肉，浸入日本生雞蛋汁，肉質超級滑潤，整體嘅口感更美味。第三片肉，沾上蛋汁之後再榨少許青檸汁同柚子調味粉，令整片牛肉增添香味，完全提升到另一層次，滋味滿溢！
食完牛肉之後，店員為我哋烹製蔬菜鍋。每款蔬菜仔細排好，視覺上已經滿分。腐皮福袋入面裝住年糕，腐皮吸盡湯汁，年糕又軟綿綿，甜甜哋好入味。
食到尾聲，阿仔覺得有D凍，著咗件外套。店員見到就問佢係咪冷氣太大，之後仲幫我哋調細咗部冷氣，服務貼心，值得一讚！
甜品有抹茶蕨餅，和菓子同十勝紅豆蓉。蕨餅煙軔，外層抹茶粉味道夠濃；和菓子可愛精緻，餡料有豆沙。令我有驚喜嘅反而係外貌普通嘅紅豆蓉。紅豆蓉豆味香濃，有別於一般紅豆。
今次壽喜燒嘅美食體驗，食材高質美味，服務極佳，令人食得稱心滿意！
A5 及赤身肉壽喜燒餐
47 views
1 likes
0 comments
日本生蠔配魚子
36 views
0 likes
0 comments
生牛肉他他及熟牛肉他他他
35 views
0 likes
0 comments
熟牛肉他他
34 views
0 likes
0 comments
22 views
0 likes
0 comments
20 views
0 likes
0 comments
11 views
0 likes
0 comments
腐皮福袋
14 views
0 likes
0 comments
甜品
13 views
0 likes
0 comments
Post
