滾爺火鍋 (上海街)

Open Now

Now Closed

天氣凍就係想食火鍋，食完即刻暖笠笠。今次嚟到呢間火鍋店都幾受歡迎，雞鍋都有半隻雞。點咗麻辣雞煲(中辣)，花椒同青、紅辣椒辣得過癮，麻辣味滲晒落啲雞肉入面，加埋大蔥同洋蔥，又甜又香口。 因為食咗半隻雞就唔嗌咁多肉啦，點咗手打四寶丸同即炸小白豬午餐肉。四寶丸有墨魚丸、鯪魚丸、牛肉丸同蝦丸，真材實料，口感勁彈牙。即炸午餐肉好出色！就咁食就好香口，放落湯底就索晒啲湯嘅精華。 即炸響鈴都值得欣賞，坊間有啲會有油耗味同擺到淋晒，但呢度嘅響鈴係有油炸嘅香味，食落仲係好脆口。另外仲嗌多咗個「唐三藏」，即係田園菇菜拼盆，種類同份量都幾多，夠新鮮。