金和潮菜

Open Now

Now Closed

呢排難得可以同家人出去食餐飯，係旺角近油麻地附近有間新開既潮州菜，發現內裡都光猛新淨，坐位闊落，同一班親友或朋友黎食飯都不錯之選。【潮式鵝片】這個潮式滷水以多種香料藥材製作，味道香醇，絕對係一道功夫菜，味道濃郁而不過鹹，皮脆肉嫩，滷汁香氣十足。【潮式蠔烙】熱辣辣的蠔烙，香口無比，又不會太油膩感，蠔仔又夠大隻，夾起一起食，回味無窮。【黑松露蝦球炒蛋】一上菜黑松露味好香，非常足料，嫩滑炒蛋配合埋韭黃同埋香蔥，再加埋大大隻蝦球，口感豐富，每啖食落去都好滿足。【蒜蓉炒菜心】新鮮翠綠菜心，獲氣十足，又夠鮮嫩爽脆。【豉汁蒸白鱔飯】豉汁白鱔飯用上籠仔荷葉一齊蒸，再配埋炒飯底一齊食，非常有新意，白鱔肉又夠厚身，沾上了豉汁又夠惹味，又不會腥。