Video
Read full review
2024-09-16
171 views
特色皇朝小籠包必食！每粒小籠包既味道都唔同，記得由原味、青瓜、鵝肝咁順時針食，由味道最淡到最濃味，咁就可以清楚食到每款小籠包嘅味道。每款小籠包味道都好濃郁，滿滿嘅湯汁，唔睇張紙都會估到自己食緊咩味。我最鍾意食糟溜絲瓜，湯汁清清地有啖淡青瓜味同埋蟹粉，滿滿嘅蟹肉之餘又好香😍 芝麻醬油麥菜油麥菜一啖咬落去好脆口，用青瓜片包住，好精緻嘅感覺☺️ 加埋芝麻醬會好味啲，不過就咁食都冇問題，因為佢真係好脆，個咬感我好鍾意😆蘿蔔絲酥餅 (3個)外層好脆但唔粉，入邊有滿滿熱辣辣甜甜地嘅蘿蔔絲，幾好食！但係食一個都好飽，記得同人share😂李白醉雞超多！外型成個波咁，擺盤好特別😍 酒味唔算好濃，所以作為前菜我覺得幾開胃🤤雞肉唔錯幾嫩的😎皇朝酸菜魚超大碗！魚片滑嫩份量多，食極都有。唔會好辣/醉味，味道啱啱好，啱我口味。鍾意食佢個薯粉，唔係長扁型一夾就斷嗰啲，而係好似粉絲咁，但係又好煙靭，有咬口👍🏻香煎豆沙窩餅滿滿嘅豆沙餡，但係又唔會過甜，表層吹得嚟，邊身又硬淨，口感唔錯，一個人食晒都唔過分😋結論🫰食物有質素！🫰店員服務態度良好🙈好味度：9/10回頭度：9/10餐廳資料餐廳名稱：樂天皇朝餐廳地址：銅鑼灣波斯富
必食！每粒小籠包既味道都唔同，記得由原味、青瓜、鵝肝咁順時針食，由味道最淡到最濃味，咁就可以清楚食到每款小籠包嘅味道。每款小籠包味道都好濃郁，滿滿嘅湯汁，唔睇張紙都會估到自己食緊咩味。
我最鍾意食糟溜絲瓜，湯汁清清地有啖淡青瓜味同埋蟹粉，滿滿嘅蟹肉之餘又好香😍
芝麻醬油麥菜
油麥菜一啖咬落去好脆口，用青瓜片包住，好精緻嘅感覺☺️ 加埋芝麻醬會好味啲，不過就咁食都冇問題，因為佢真係好脆，個咬感我好鍾意😆
蘿蔔絲酥餅 (3個)
外層好脆但唔粉，入邊有滿滿熱辣辣甜甜地嘅蘿蔔絲，幾好食！但係食一個都好飽，記得同人share😂
李白醉雞
超多！外型成個波咁，擺盤好特別😍 酒味唔算好濃，所以作為前菜我覺得幾開胃🤤雞肉唔錯幾嫩的😎
皇朝酸菜魚
超大碗！魚片滑嫩份量多，食極都有。唔會好辣/醉味，味道啱啱好，啱我口味。鍾意食佢個薯粉，唔係長扁型一夾就斷嗰啲，而係好似粉絲咁，但係又好煙靭，有咬口👍🏻
香煎豆沙窩餅
滿滿嘅豆沙餡，但係又唔會過甜，表層吹得嚟，邊身又硬淨，口感唔錯，一個人食晒都唔過分😋
結論
🫰食物有質素！
🫰店員服務態度良好🙈
好味度：9/10
回頭度：9/10
餐廳資料
餐廳名稱：樂天皇朝
餐廳地址：銅鑼灣波斯富街99號利舞臺廣場16樓A號舖
營業時間：星期一至日 11:30-22:00
Post
