Video
Read full review
2023-05-18
33 views
食得多火鍋放題，食吓散叫打邊爐又係另一番風味。上海街「滾爺火鍋」係港式打邊爐，店面不算太大但有兩層，裝修以深啡色為主，燈光暗暗的幾有氣氛，設有獨立卡座坐得舒服。仲有啲有趣字句紙牌可以俾一班朋友攞住影相打卡。自助醬料區可以混醬，鍾意佢有原粒青檸提供，新鮮唧啲青檸汁落醬料度更加惹味，特別係豉油斟出嚟係熱嘅，蘸醬汁時食物都唔會降溫，好細心啊。QR code落單，我哋揀咗個二人餐。► 滾得飽 (2人餐) $598有四款湯底選擇：胡椒蘿蔔豬尾鍋、芫茜皮蛋鍋、鴛鴦鍋 (麻辣＋沙嗲)、鴛鴦鍋(沙嗲＋芫茜皮蛋)。◉ 胡椒蘿蔔豬尾鍋打邊爐前先飲啖湯，好香胡椒嘅辣味。我應該無試過一味餸係用豬尾做主角，呢個豬尾鍋就比想像中正，豬尾煮得腍，入口又充滿彈性，每一件都有皮有肉有骨，我覺得比起食豬手嘅皮更加滿足，因為皮比例多，啖啖都滿滿膠質，而且份量十足，食吓食吓全部食晒。蘿蔔清甜，熬多陣湯先食就更入味。◉ 海鮮上枱時有乾冰煙霧效果，仙氣十足，有海蝦四隻、花甲六隻，全部鮮甜。◉ 西班牙無激素豬頸肉出嚟打邊爐難得有無激素嘅豬頸肉，切得薄身，油脂似雪花分布平均，基本上無咩肥肉，入口肉嫩爽口。◉ 手包韭菜餃 (4粒) 係
自助醬料區可以混醬，鍾意佢有原粒青檸提供，新鮮唧啲青檸汁落醬料度更加惹味，特別係豉油斟出嚟係熱嘅，蘸醬汁時食物都唔會降溫，好細心啊。QR code落單，我哋揀咗個二人餐。
滾得飽 (2人餐)
5 views
0 likes
0 comments
► 滾得飽 (2人餐) $598
有四款湯底選擇：胡椒蘿蔔豬尾鍋、芫茜皮蛋鍋、鴛鴦鍋 (麻辣＋沙嗲)、鴛鴦鍋(沙嗲＋芫茜皮蛋)。
胡椒蘿蔔豬尾鍋
13 views
0 likes
0 comments
◉ 胡椒蘿蔔豬尾鍋
打邊爐前先飲啖湯，好香胡椒嘅辣味。我應該無試過一味餸係用豬尾做主角，呢個豬尾鍋就比想像中正，豬尾煮得腍，入口又充滿彈性，每一件都有皮有肉有骨，我覺得比起食豬手嘅皮更加滿足，因為皮比例多，啖啖都滿滿膠質，而且份量十足，食吓食吓全部食晒。蘿蔔清甜，熬多陣湯先食就更入味。
蝦四隻、花甲六隻
22 views
0 likes
0 comments
◉ 海鮮上枱時有乾冰煙霧效果，仙氣十足，有海蝦四隻、花甲六隻，全部鮮甜。
西班牙無激素豬頸肉
20 views
0 likes
0 comments
◉ 西班牙無激素豬頸肉
出嚟打邊爐難得有無激素嘅豬頸肉，切得薄身，油脂似雪花分布平均，基本上無咩肥肉，入口肉嫩爽口。
手包韭菜餃 (4粒) 、鮮甜手打鯪魚滑
13 views
0 likes
0 comments
◉ 手包韭菜餃 (4粒)
係餐廳自家製手工餃，由店員姨姨親手包，夠晒新鮮，韭菜豬肉係經典口味，每隻都漲卜卜，餡料十足。
◉ 鮮甜手打鯪魚滑
味道鮮甜，毫無魚腥味，手打質地緊實，口感煙靱彈牙。
生根、讚岐烏冬
13 views
0 likes
0 comments
◉ 生根
打邊爐又點少得生根，吸晒啲湯汁變軟，入口更滋味。
◉ 讚岐烏冬
尾聲食個烏冬夠晒飽肚，麵質爽滑彈牙，打邊爐就鍾意淥得腍啲，可以索晒啲湯汁，掛湯力強。
#滾爺火鍋地址：旺角上海街428號地舖
Post
