Video
Read full review
2017-05-16
2628 views
聽「彩福皇宴」個名，你就知佢喺擺婚宴系嘅酒家，平時搵食多數喺我提議，今次就喺老婆同朋友嚟試過，話佢哋有一系列由香港旅發局所頒發嘅「美食之最大賞 - 至高榮譽金獎」點心， 覺得唔錯而帶我嚟吓。香港旅發局？信唔過啦，但老婆誠意拳拳，就梗喺嚟撐吓佢嘅提議啦。講得喺專擺婚宴，整個場嘅裝修就梗喺富麗堂皇啦，但又無話好俗套，加上高樓底，枱櫈嘅編排又唔會過於擠逼，感覺比好多中式酒樓好。枱上嘅枱號牌插住好多張點心紙，但兩公婆唔食得幾多，所以都喺集中睇其中兩張就算。順帶一提，星期六、日茗茶每位收$13，小點、中點、大點、特點收費分別喺$18、$24、$29、$34，個別點心另標明唔同單價，而加一服務費就例收架啦。黑松露鳳眼餃 $30雖然唔喺咩得獎之作，但做得不俗，皮薄透光，餃皮咬落黏糯唔黐牙，餃面一小撮黑松露醬，算落足料，內裡嘅鮮蝦又夠爽甜。上文都講過為咗個別得獎點心而專登走上嚟試試，佢哋晌香港旅發局所搞嘅美食之最大賞，4年嚟有7款點心攞獎，單睇配搭及賣相，喺頗有心思，我哋揀咗其中3款試試。芝心海皇千絲春卷 $33睇樣就知喺心機菜啦，有別全統嘅春卷，外層非用春卷皮，而喺用上麵條絲嚟包（我估咋），入口非常
講得喺專擺婚宴，整個場嘅裝修就梗喺富麗堂皇啦，但又無話好俗套，加上高樓底，枱櫈嘅編排又唔會過於擠逼，感覺比好多中式酒樓好。
枱上嘅枱號牌插住好多張點心紙，但兩公婆唔食得幾多，所以都喺集中睇其中兩張就算。順帶一提，星期六、日茗茶每位收$13，小點、中點、大點、特點收費分別喺$18、$24、$29、$34，個別點心另標明唔同單價，而加一服務費就例收架啦。
黑松露鳳眼餃 $30雖然唔喺咩得獎之作，但做得不俗，皮薄透光，餃皮咬落黏糯唔黐牙，餃面一小撮黑松露醬，算落足料，內裡嘅鮮蝦又夠爽甜。
上文都講過為咗個別得獎點心而專登走上嚟試試，佢哋晌香港旅發局所搞嘅美食之最大賞，4年嚟有7款點心攞獎，單睇配搭及賣相，喺頗有心思，我哋揀咗其中3款試試。
芝心海皇千絲春卷 $33睇樣就知喺心機菜啦，有別全統嘅春卷，外層非用春卷皮，而喺用上麵條絲嚟包（我估咋），入口非常脆卜卜，兼且無絲亳油膩；內有鮮蝦粒、帶子粒及菇菌，再夾入少許芝士，所以，味道多添幾分香濃，一客6件，好抵食。
富貴海蝦皇雜菌功夫腸 $45外型甚有炸兩嘅感覺，加上擺埋隻富貴蝦（即喺瀨尿蝦）做襯托，真喺賣相有啲亮點。而腸粉皮內唔喺油炸鬼（初時我都以為喺），而喺春卷皮，食落確有幾分似食炸兩，腸粉皮拉得夠薄夠滑。咪以為瀨尿蝦淨喺裝飾，裡面真喺以鮮拆嘅瀨尿蝦肉及雜菌嚟做，怪不得稱佢為功夫腸。
真功夫潮州炸粉果 $30晌點心紙上，印咗「真功夫潮州蒸粉果」攞到2015年嘅至高榮譽金獎，予人感覺就流流哋，所以，試試同喺2015年攞獎嘅「炸粉果」。賣相喺花咗啲心思，扮到好似石榴雞咁，但味道真喺麻麻，食炸粉果通常伴以上湯，而上湯喺另上，最大問題喺粉果極厚皮，入口只喺一糰粉，餡料少，好睇唔好食嘅樣板，咁都喺得獎，真喺令人滿腹疑團。
蟹肉湯伊麵 $42細細個嗰時，成日聽人講去飲喜酒時，開席前啲人總會叫客蟹肉伊麵打底，唔止從未見過，印象中，好似都未食過。依家出面食碗牛腩麵都三、四十啦，咁不如試番碗。對比起幾款得獎點心，碗伊麵做得有啲迤，啲銀芽飛晒出嚟，寫明湯伊麵，少湯到好似撈麵。不過，還好嘅喺麵條無過腍，兼份量十足，的而且確有唔少蟹肉，堅喺蟹肉，都幾鮮。
因為一心一意嚟試啲得獎點心，其實，主點心紙有幾款點心睇落仲好，例如海螺片滑雞扎（大點）、紫薯蓉冬菇包（大點）、蟲草花素粉果（中點）……等等。然而，環境好，招呼亦好，所以，同朋友上嚟飲餐茶，傾吓迤吓，絕對喺飲得過。
Post
