正潮樓

Open Now

Now Closed

銅鑼灣正潮樓 呢一間新店主打潮式海鮮為主(包括魚翅、海參、鮑魚、燕窩等名貴食材)，場面墟冚另外仲有呈現傳統潮州菜餚，係一間古色古香既潮州菜館🍲鵝片：我哋都幾鍾意食滷水嘢呢個滷水鵝片就比較瘦 所以啖啖都係肉 而且好入味隔離啲花生都好腍甜汕頭煎蠔烙：因為呢個蠔餅係煎出嚟嘅，所以有別於一般炸出嚟嘅蠔餅，呢個就變得冇咁油膩，食多幾塊都冇罪惡感再加上蠔仔嘅份量都幾多 而且好大粒所以口感真係十足 點少少汁就更加惹味梅汁焗豬手，豬手焗到好腍甜，肥瘦均等，食到骨膠原嘅滋味另外啲肉都好入味，配合飯食就啱啱好芋頭炒香飯：呢個係傳統嘅潮州菜，係用個煲上嘅，飯炒得粒粒分明，仲有一粒粒嘅芋頭同埋香蔥